Ish ministri i Jashtëm, Ditmir Bushati duket shumë pesimist për anëtarësimin e Shqipërisë në Bashkimin e Europian.
Sot, në 15 vjetorin e futjes në BE të 10 shteteve të nga Evropa Qendrore dhe ajo Lindore, Bushati shprehet se pranimi në union i vendeve të Ballkanit Perëndimor duket shumë i largët.
“Sot shënohet 15 vjetori i zgjerimit ‘Big Bang’ të Bashkimit Europian me 10 shtete të Evropës Qendrore dhe Lindore. Një arritje historike pas Luftës së Ftohtë. 15 vjet më vonë, pranimi në BE i vendeve të Ballkanit Perëndimor duket mjaft i largët, duke mos tejkaluar ende boshllëqet ekonomike dhe sociale. Punë e pa përfunduar,”-shkroi Bushati në një postim në Twitter.