Burim Ramadani e kritikon Albin Kurtin për takimin me Gerard Depardieu

Deputeti për kandidat nga Aleanca për Ardhmërinë e Kosovës, Burim Ramadani, e ka kritikuar kandidatin për kryeministër nga Lëvizja Vetëvendosje, Albin Kurti, pasi ky i fundit u takua me aktorin francez, Gerard Depardieu, në Tiranë.

Ramadani ka thënë se Depardieu është një mikë i Putinit dhe se Kurti nuk do të duhej të takohej me të, njofton Klan Kosova.

“Po ku t’u gjet një mik i Putinit, pavarësisht vlerave artistike që mund të ketë ai? Sikurse ke thënë para katër vjetëve për nobelistin Handke, ‘shkrimtarin nuk mund ta gjykojmë assesi si të pavarur prej vetes, veprës e fjalës së vet’. Po Depardieun, e gjykove të pavarur prej vetes?”, transmeton KOHA.

Kujtojmë se mbrëmë Albin Kurti është takuar me Edi Ramën në Tiranë, ku prezent ishte edhe aktori francez, Gerard Depardieu. Klikoni në linkun e mëposhtëm për t’u informuar më shumë rreth këtij takimi. (koha.mk)