Burg përjetë kush përdor celularin në timon dhe vret!

12

Të flasësh në telefon ndërsa drejtonin mjetin, është shndërruar në një zakon të rrezikshëm dhe gjithnjë e më të përhapur në botë. Një “ves” që provokon incidente, edhe me vdekje. Për të parandaluar një gjë të tillë, Ministria e Drejtësisë në Britaninë e Madhe, ka propozuar një masë drastike. Një projekt ligj, siç zbulon shtypi anglez, i cili është duke u përgatitur nga zv.ministri i Drejtësisë, konservatori Sam Gyimah, synon të dënojë ata që provokojnë vdekjen e një tjetër personi, për shkak se përdor celularin në timon, sidomos për të dërguar apo lexuar mesazhe. Dënimi pritet të propozohet, duke respektuar maksimumin e parashikuar nga ligji. Sot, dënimi për një vepër të tillë penale është 14 vjet (edhe pse me sjellje të mirë mund të reduktohet në 7). Rrezikojnë burg përjetë edhe ata që provokojnë aksidente me vdekje ose rezultojnë pozitiv në testin anti-drogë dhe për alkool. “Vrasësit në drejtim të mjetit, shkatërrojnë jetën e tjetrit, – ka thënë Gymah. – Veprimet e tyre shkaktojnë një dhimbje të madhe për familjet e viktimave, të cilët duhet të përballojnë humbje tragjike dhe aspak të nevojshme. Edhe pse është e pamundur të zëvendësohet vdekja e një njeriu të shtrenjtë, qoftë edhe me dëmshpërblim, jemi të vendosur të propozojmë që dënimet të jenë në lartësinë e krimit”. Projekt ligji do të prezantohet nga qeveria këtë javë. Në vitin 2015, kanë qenë 122 persona që janë dënuar për vrasje për shkak të drejtimit të makinës në mënyrë të rrezikshme dhe 21 të tjerë të cilët janë arrestuar me akuzën për drejtim të mjetit nën efektin e substancave të drogës dhe alkoolit.

Comments are closed.