BRUNO: Nuk e ndërroj zhanrin e muzikës për para (FOTO)

Ai është një nga djemtë e “Revolt Klan”. Bruno, i pashëm dhe me një talent të jashtëzakonshëm vjen në një bisedë për InfraRed të gazetës KOHA duke treguar të rejat mbi projektet e tij dhe muzikën në përgjithësi. Thotë se zhanrin që e kultivon nuk e ndërron për para…

Bisedoi: Blerand REXHEPI

KOHA: Pse ia le akoma vetës pjesën “Revolt” që pas daljes nga grupi?

Si një nga themeluesit dhe pjesëtar i grupit “Revolt Klan”, emri “Revolt” është pjese e imja, aq me tepër qe nga grupi nuk kam dal dhe ketë e kam shprehur në shumë intervista të tjera.

KOHA: Kujt i the “Të du” në këngën e re?

Askujt konkretisht, por, publikut dhe ndjekësve të mi “revolters” (qesh).

KOHA: Pse kjo mungesë në skenë? Me çka u more gjithë këtë kohë?

Kjo periudhë ka qenë e ndarë midis Melbournit dhe Tiranës, koncerteve me shqiptarët e Australisë dhe punës time me nxënësit e mi në një prej kolegjeve më të mira të Tiranës dhe në studio deri në orët e para të mëngjesit kuptohet.

KOHA: Kur do kemi projekte te reja? A do jesh aktiv pas rikthimit?

Po punojmë fort me menaxherin dhe studion e mikut tim Edlir Begolli për të sjell sa me shume produksione muzikore, ashtu siç publiku i ka dashur çdoherë.

KOHA: Përpos zhanrit që praktikon, a do të shohim edhe si këngëtar dasmash?

Në fakt, në dasma kam qenë shumë shpesh i ftuar për të kënduar surprizë për çiftin, por, besoj do mbetet në këtë kuadër duke qenë se nuk e kam repertorin në stilin e plote të dasmës.

KOHA: A do ta ndërroje zhanrin e muzikës për të bërë më shumë para?

Nuk do ta ndërroja, e shijoj atë që bëj!

KOHA: Si e vlerëson muzikën sot, biznes apo pasion?

Është një biznes i suksesshëm vetëm nëse bëhet me pasion.

KOHA: Si po shkon jeta private?

Për sa kohë do të mbetet private, shkon për mrekulli.

KOHA: Sa je i pasionuar ndaj palestrës?

Shumë pas palestrës shkoj çdo ditë, sapo gjej hapësirë nga angazhimet.

KOHA: Një thënie e juaj në fund…

Duke qenë se jam një njeri që më pëlqen të ndihem i motivuar dhe të motivoj, do të thosha se “rruga drejt arritjeve është e gjatë, but its worth it”.