Brokoli, “arma” kundër diabetit!

Përdorimi i tij si terapi e diabetit shihet me interes të veçantë, pasi çrregullimi prek rreth 300 milionë njerëz në mbarë botën dhe se një përqindje e pacientëve (afërsisht 15%), nuk mund të marrin trajtimin standard – metforminën, për rreziqet e dëmtimit të veshkave

Brokoli mund të ndihmojë pacientët diabetikë që të mbajnë nën kontroll glukozën. Një grup studiuesish kanë identifikuar një përbërës të pranishëm te brokoli që duket të jetë i dobishëm në luftimin e sëmundjes. Interesante për kërkimin farmakologjik është qasja me të cilën shkencëtarët në Universitetin Lund në Suedi kanë arritur të zgjedhin molekulën e pranishme në brokoli si një trajtim të mundshëm. Së pari, u ndërtua një “nënshkrim” i diabetit të tipit 2, bazuar në rreth 50 gjene të shprehura në indet e mëlçisë “të sëmura” kundrejt atyre të shëndetshme. Më pas studiuesit testuan mijëra komponime, 3852 për të qenë të saktë, që kishin gjenet si objektiva të mundshëm. Ndër të gjitha, ata kanë identifikuar sulforafanin, i pranishëm në shumë perime, por në sasi më të mëdha te brokoli.

Komponimi uli prodhimin e glukozës në qelizat e kultivuara të mëlçisë. Tek minjtë, është treguar se e zhvendos shprehjen e gjeneve të mëlçisë drejt një gjendjeje më pak të ngjashme me sëmundjen. Më në fund, përbërja u testua në rreth 100 pacientë me diabet të tipit 2. Sulforafani ka qenë objekt i shumë studimeve të mëparshme, veçanërisht për veprimin e tij mbrojtës kundër kancerit, ndoshta për shkak të aftësive të tij antioksiduese.

Advertisements

Sipas një studimi të fundit, përbërja mund të jetë gjithashtu e dobishme në kontrollin e obezitetit. Përdorimi i tij si terapi e diabetit shihet me interes të veçantë, pasi çrregullimi prek rreth 300 milionë njerëz në mbarë botën dhe se një përqindje e pacientëve (afërsisht 15%), nuk mund të marrin trajtimin standard – metforminën, për rreziqet e dëmtimit të veshkave. Mund të duket sikur një gjë e mirë nuk është kurrë e dëmshme. Shumë prej nesh bien në ‘grackën’ e të ngrënit, të themi, të frutave dhe perimeve pa e kuptuar se ato mund të jenë po aq të dëmshme sa sheqeri ose natriumi. Gjithmonë jemi në kërkim të ushqimeve apo dietave që do të ndihmojnë për të përmirësuar sistemin tonë imunitar apo dhe të na mbrojnë nga sëmundjet, por fatkeqësisht kushtojnë shumë. Jo çdo njeri apo familje mund të përballojë çmimet, por të këtyre ushqimeve po.