Bosnjë e Hercegovina nuk e njeh Kosovën

165

Pas mbledhjes së rregullt të Presidencës së Bosnjë dhe Hercegovinës dhe dy seancave të jashtëzakonshme, një anëtar i këtij institucioni shtetëror, Zhelko Komshiq, ka thënë se ai dhe kryesuesi, Shefik Xhaferoviq, kanë votuar që BeH-ja ta njohë Kosovën e se Milorad Dodik ishte kundër.

“Dodiku nuk ka pranuar njohjen e Kosovës si shtet i pavarur. Votuam 2 me 1 për këtë vendim. Ai ishte kundër dhe kjo do të jetë çështje për javët e ardhshme. Pritet që Dodiku të kërkojë në mbledhjen e Asamblesë Kombëtare të Republikës Serbe dhe të prezantojë aty çështjet ku Kosova lidhet me storie të rrezikshme, që mund të përshkallëzojë në storie ndarjeje dhe besoj se e dini të gjithë ku shpie kjo”, ka thënë Komshiqi.

Ky vendim për njohjen e Kosovës nuk është përfundimtar, u ra dakord që të shkohet në raundin e dytë të votimit në seancën e ardhshme.

Komshiqi po ashtu ka bërë të ditur se ai dhe Xhaferoviqi kanë votuar kundër iniciativës së Dodikut që ambasada e Bosnjë e Hercegovinës të zhvendoset në Jerusalem.

Comments are closed.