Të gjithë treguesit flasin se Seria A po rritet gjithnjë e më shumë. Plot 282.683 anëtarësime janë kryer nga gjithsej 20 klubet që janë pjesë e këtij Kampionati. Fushatat vazhdojnë ngado por që tani është superuar totali i një viti më parë që u ndal në 251.895 anëtarësime. Janë plot 31 mijë abonimet e reja për këtë sezon.
Në fillim të kësaj fushatë besnikëria e tifozëve bardhezi nuk zhgënjeu dhe për skudeton e 7 radhazi dyert e “Allianz Stadium” u blinduan nga 29.200 abonime. Fushata e Milanit pritet të mbarojë 10 ditë me vonë nga ajo e Juventusit por që tashmë ka shkuar në 31 mijë anëtarësime, çka përkthehet në 39,5 për qind të kapacitet të stadiumit të “San Siros” e që automatikisht lë pas Juventusin në këtë klasifikim. Çfarë mund të ketë ndikuar në këtë rritje kaq të ndjeshme ku diferenca me një vit më parë është shumë e madhe është pikërisht fushata e kësaj mërkatojë verore që Milani kryesoi e shoqëruar edhe nga ato të ekipeve të tjera, gjithsesi llogaritë përfundimtarë do të bëhen pikërisht në 14 shtator.
Aktualisht Interi numëron ashtu si dhe Milani 31 mijë abonime por mendohet se mund ta mbyllë fushatën edhe me 32 mijë abonent, ndërkohë që edhe Roma i ka kaluar pritshmëritë me plot 20 mijë anëtarësime. Tek Roma ashtu si tek Milani abonimet do të vijojnë të jenë të hapura deri në javën e ardhshme.