Berlini dhe Brukseli presin fillimin e negociatave deri në fund të vitit, pritet qëndrimi i Sofjes

25

Shkup, 22 tetor – Maqedonia e Veriut t’i fillojë negociatat për aderim në BE deri në fund të vitit presin Berilin zyrtar dhe Brukseli.

Ambasadorja gjermane Anke Hollshtajn dje deklaroi se në lidhje me procesin e zgjerimit qëllimi ynë i qartë, i kryesimit gjerman me BE-në, është të mbahet konferenca e parë ndërkombëtare me Maqedoninë e Veriut deri në fund të vitit dhe vlerësoi se do të jetë mossukses nëse nuk ndodh kjo.

“Në mars të gjitha vendet anëtare dhanë dritë të gjelbër për fillim të negociatave dhe hapje të negociatave inkuadruese për anëtarësim me Maqedoninë e Veriut. Punojmë me mund që të mbahet konferenca ndërqeveritare dhe ne jemi optimistë se do ta arrijmë këtë qëllim”, deklaroi Hollshtajn e cila së bashku me euroambasadorin Dejvid Gir dhe zëvendëskryeministrin Nikolla Dimitrov biseduan në onlajn ngjarjen promovuese për projektin “Promovim i vlerave të përbashkëta përmes Evropës”, në organizim të Transparensi Interneshënal Maqedoni.

Ajo potencoi se procesi berlinas, në masë të madhe e lehtëson këtë proces dhe shprehu bindje se do të ketë atmosferë konstruktive edhe në nëntor gjatë bashkëkryesimit të përbashkët me samitin në Sofje.

“Kjo është datë e rëndësishme për rrumbullaksimin e agjendës në dhjetor. Sipas rregullave dhe procedurave, 10-të nëntori është shansa e fundit për pranim të korrnizës negociuese dhe do të bëjmë gjithçka që kjo të realizohet”, theksoi Hollshtajn.

Euroambasadori David Gir, nga ana e tij, potencon se vendimi për hapje të negociatave është sjellur në mars dhe tani diskutimet për korrnizën negociuese normalisht vazhdojnë në Bruksel.

“Shpresoj se negociatat do të arrihen deri në fund të vitit”, deklaroi Gir, duke u përgjigjur në pyetjen e gazetarëve deri kur mund të jetë gati korrniza negociuese.

Zëvendëskryeministri për Çështje ekonomike Nikolla Dimitrov, gjithashtu shprehu bindje se edhe Brukseli dhe Berlini e njohin shansin.

“Në mars patëm vendim të pakushtëzuar të fillojmë negociata dhe mendoj se do të jetë mirë edhe për të gjtihë ne, edhe për BE-në dhe gjithë fqinjët tanë kjo të ndodh në dhjetor që përfundimisht të marrim qasje të tërësishme deri te vegla për procesin inkuadrues”, deklaroi Dimitrov.

Historia është e rëndësishme të na bëjë krenar dhe mësues, potencoi ai, por duhet ta ndërrojmë atë garë me garën reformuese sipas çështjes siç janë – kush paraprin në pagë më të lartë në rajon, liria e mediave dhe gjyqësia ose mbrojtja e mjedisit jetësor.

Deklarata e Karakaçanov që autoritete e Maqedonisë së Veriut e vlerësuan si e pahijshme dhe e padenjë, me sigurinë se ky nuk është qëndrim i opinionit të atjeshëm dhe i qytetarëve.

Ministrja e Mbrojtjes Radmilla Shekerinska theksoi se ka kaluar koha kur ministrat e mbrojtjes në rajon japin deklarata, ashtu siç deklaroi ministri bullgar i Mbrojtjes Krasimir Karakaçanov, ndërsa disa i konsideron si serioze dhe se mënyra e tillë e komunikimit nuk u ngjan vendeve-anëtare të NATO-s.

Ajo potencon se do të vazhdojë t’i dërgojë porositë e njëjta që janë dërguar viteve të fundit, ndërsa, nënvizoi se “qytetarët tanë nuk paguajnë dhe presin t’u sigurojmë siguri, nërsa ajo siguri varet nga marrëdhëniet e mira fqinjësore”.

Takimi i fundit për harmonizimin e kornizës negociuese duhet ta mbështesë Këshillin për punë të përgjithshme të BE-së më 10 nëntor në Bruksel, që përputhet me mbajtjen e samitit të Procesit të Berlinit në Sofje me të cilin do të bashkëkryesojnë Maqedonia e Veriut dhe Bullgaria. Në fillim të nëntorit në Sofje është paralajmëruar takim i kryeministrin Zoran Zaev me kolegun e tij bullgar Bojko Borisov në të cilin pritet të tejkalohen mosmarrëveshjet.