Beqaj: Opsion edhe formimi i një qeverie kalimtare

Beqaj, ka thënë se Haradinaj me vendimin e dorëheqjes pas ftesës së pranuar nga Specialja ka qenë në nivel dinjitoz të detyrës.

Ai ka thënë se nuk përjashton mundësinë që ftesa ndaj Haradinajt të ketë prapavijë politike.

Njohësi i zhvillimeve politike konsideron se nga tani dialogu mund të merr një kahje tjetër.

Beqaj ka thënë se zgjedhjet mbeten opsion pas dorëheqjes së Haradinajt por sipas tij ka edhe skenarë të tjera që zgjedhjet mund t’i shtynin për pesë apo gjashtë muaj.

“Mund të jetë një skenar i një qeverie kalimtare që do të funksiononte për pesë apo gjashtë muaj apo edhe më tepër varësisht nga përmbushje e reformave të domosdoshme zgjedhore që do t’u jepnin një kualitet tjetër spektrit politik të Kosovës”, tha ai në një prononcim për RTV Dukagjini.

Ai thotë se momentalisht klasa politike nuk ka kualitete për të bërë ndryshime kualitative.

Beqaj thotë se për shtyrjen e zgjedhjeve mund të jenë shumica e partive politike pasi janë në procese të ndryshme të brendshme.