Pas votimit të mbrëmshëm në Kuvendin e Maqedonisë ku me dy të tretat e votave ishte përkrahur nisma për fillimin e procesit të ndryshimeve kushtetuese, siç imponon Marrëveshja e Prespës, me qëndrim ka dalë edhe ambasadori i SHBA-së në Maqedoni, Xhes Bejli.
“Urime për Kuvendin e Maqedonisë për votimin e inicimit të ndryshimeve kushtetuese, konform Marrëveshjes së Prespës. Deputetët e të gjitha partive treguan guxim dhe liderizëm që u bashkuan të ndihmojnë që të sigurohet vend për Maqedoninë në Perëndim, në NATO dhe BE”, ka shkruar në Fejsbuk ambasadori amerikan në Maqedoni, Xhes Bejli.