Befason Cassano, tërhiqet përfundimisht nga futbolli!

Antonio Casanno ka vendosur të thotë mjaft, këtë herë lë futbollin në mënyrë përfundimtare. Pasi gjeti sërish një skuadër Virtus Entellan dhe filloi të stërvitet rregullisht, ish-sulmuesi i kombëtares italiane ka vendosur të varë këpucët në gozhdë. Lajmin për të lënë futbollin Cassano e ka shkruar në një letër të cilën ua ka dërguar miqëve të tij më të ngushtë dhe njëri prej tyre është edhe gazetari sportiv italian Pierluigi Pardo i cili nuk ka nguruar për ta bërë atë publike. Ndër të tjerë në letrën e tij ish sulmuesi i Romës, Milanit dhe Interit thekson se për momentin ka prioritete të tjera në jetë dhe e ka të pamundur të stërvitet ditë pas dite, duke falenderuar njëkohësisht drejtuesit e Virtus Entellas për mundësinë që i dhanë dhe duke i uruar fat klubit.