Tiranë, 16 janar – Pas braktisjes së sallës kuvendore ku shumica qeveritare ka votuar për ministrat e rinj, lideri i Partisë Demokratike shqiptare, Lulzim Basha me ton të ashpër deklaroi se “me aktin e sotëm është shkatërruar Parlamenti”.
Basha më tej është shprehur se tashmë opozita do të bëjë një mobilizim total të resurseve opozitare për të rrëzuar nga pushteti kryeministrin Rama.
“Ky është akti i kapjes përfundimtare personalisht nga Rama të pushtetit ekzekutiv, dhe sot edhe asgjësimin e Kuvendit, opozita kërkon debat parlamentar për të parashtruar qëndrimin e saj dhe të vërtetat pas këtyre emërimeve të kukullave dhe oligarkëve të Edi Ramës. Asnjë nga kërkesat e parashtrua nga Rama nuk qëndrojnë, opozitën e pengon të marrë fjalën një kryetar Kuvendi, nga një hajdut psiqik, i cili kërkon të ruajë vjedhjen. Sot kemi një qeveri të vdekur, deri tani ishte në koma”, tha Basha në deklaratë për mediat.
Faturën e kapjes së qeverisë, si në kohën e Enverit, e paguajnë shqiptarët, studentët… Nuk mund të këtë më një shtet me një kryeministër fals dhe psiqik, që sot u përpoq të mbyllë gojën e opozitës. Detyra jonë është të jemi në krah të njerëzve dhe tu japim zgjidhjen politike. Çdo ditë më Ramën kryeministër është një ditë krize, largimi i tij është në interesin kombëtar. Kush i shërben Ramës është një tradhtar i kombit dhe i interesave të qytetarëve, dhe duhet të trajtohet si i tillë.
“Ne do të bëjmë mobilizim total të të gjitha resurseve opozitare për të rrëzuar me çdo kusht shkaktarin e kësaj gjendje”, tha Basha në një deklaratë për mediat.