Barcelona do ta ndjekë nga afër talentin belg
Barcelona do të përballet me Royal Antwerp në ndeshjen hapëse të Ligës së Kampionëve sot (e martë) mbrëma, por mund të shërbejë si një mundësi e improvizuar për të ndjek nga afër një lojtar që iu intereson.
Për herë të parë, Xavi Hernandez do të jetë në gjendje ta shikojë nga afër mesfushorin 18-vjeçar Arthur Vermeeren, i cili ka bërë bujë në vendin e tij duke siguruar shpejt një rol titullari në skuadrën e fituesve të titullit sezonin e kaluar.
Vermeeren u sugjerua për herë të parë sezonin e kaluar dhe dallohet për punën e tij mbrojtëse dhe aftësinë për të shpërndarë topin pasi e fiton atë. Sipas mediumit Nieuwsblad, Antwerp e vlerëson Vermeeren 20 milionë euro, nëse Barcelona vendos të bëjë një lëvizje.
Thënë kështu, me Blaugranët që tejkalojnë kufirin e pagave të tyre këtë sezon, shumica e përpjekjeve të tyre pritet të përqendrohen në sjelljen e Vitor Roque në klub.
Kjo ka të ngjarë të përjashtojë një lëvizje të paktën deri në verën e ardhshme. Ndërkohë Vermeeren ishte gjithashtu një opsion nën regjimin e mëparshëm të Jordi Cruyff dhe Mateu Alemany, dhe nuk është e qartë nëse Drejtori i ri Sportiv Deco do të jetë një tifoz i lojtarit.
