Gareth Bale u transferua nga Tottenhami në Real Madrid në vitin 2013, megjithatë ai duket se ende nuk e ka mësuar spanjishten, edhe pas gjashtë vjetëve jete në Spanjë.
Sipas të përditshmes spanjolle, Marca, bashkëlojtari i uellsianit në Real Madrid, Marcelo, pretendon se Bale nuk e ka mësuar ende spanjishten, transmeton Gazeta Express.
Ky lajm vjen pas shqetësimeve të vazhdueshme për të ardhmen e Bale në klub, mirëpo sulmuesi uellsian ka bërë të ditur se ai është i lumtur me “Los Blancos”, përkundër kritikave që merr nga tifozët.
Pas largimit të Cristiano Ronaldos dhe Kiko Casillas, Marcelo thotë se tani është më i vetmuar në zhveshtore.
“Tani, nuk e kam askënd afër vetes. E kam Bale në njërën anë, mirëpo Bale nuk flet, ai e di vetëm anglishten, ne komunikojmë me gjeste dhe i themi njëri-tjetrit vetëm: ‘Tung, si je dhe verë e shijshme’”, ka thënë Bale.
Gareth Bale e shënoi golin e tij të 100-të për Real Madridin në derbin e Madridit, kundër Atletico Madridit, megjithatë e ardhmja e tij mbetet e pasigurt pasi që ai nuk ka arritur ta plotësojë hapësirën e lënë bosh nga Ronaldo.
Së fundit, Sport pretendoi se personaliteti introvert i Bale ka bërë që ia të mos përshtatet shumë mirë me pjesën tjetër të skuadrës së Real Madridit dhe kjo gjë vështirësohet edhe më shumë pasi që uellsiani s’ka arritur ta mësojë spanjishten. (Gazeta Express)