Bajerni do ta blejë Rodriguezin në verë

Hames Rodriguez është bërë një pjesë thelbësore në skemën e Jupp Hejnkes, për shkak të multifunksionimit të tij, sigurisë për të dhënë topin dhe aftësisë në fazën mbrojtëse. Për këto arsye, “Sport Bild” i Gjermanisë pohon se Bajern Munih është i kënaqur me performancën e mesfushorit kolumbian dhe do të ushtrojë mundësinë për ta blerë në merkaton e ardhshme të verës (qershor), pasi Hames është aktualisht i huazuar nga Real Madrid deri në sezonin 2018-2019.

Kur Hames arriti te Bajerni, verën e kaluar, ai pagoi pesë milionë euro për çdo sezon të transferimit dhe opsioni i blerjes është 35.2 milionë (përveç kësaj, ai do të kujdeset për pagën e lojtarit, rreth 8 milionë euro bruto). Nëse bavarezët e zbatojnë këtë klauzolë në vitin 2019, Real Madridi do të përfundojë duke rimbursuar 45.2 milionë euro për largimin e kolumbianit, që i kushtoi atij 80 milionë në vitin 2014. Hames, i cili është mesfushori më i mirë ofensivë në pesë ligat kryesore të Evropës, deri tani, këtë sezon, do të ketë sfidën e tij të ardhshme të shtunën, më 17 shkurt, kur Bajerni të vizitojë Volfsburgun, në javën e 23-të të Bundesligës.