Autoritetet suedeze bënë thirrje të punohet nga shtëpia deri në vitin 2021

38

Stokholm, 30 korrik – Autoritetet suedeze sot bënë thirrje të punohet nga shtëpia të paktën deri për Vitin e Ri, duke pasur parasysh se në këtë vend janë regjistruar më shumë se 80.000 persona të infektuar me koronavirusin e ri.

Masa ka për qëllim ta ulë numrin e njerëzve në transportin publik, sepse autoritetet kanë vërejtur rritje të numrit të kontakteve mes njerëzve, që paraqet rrezik të madh nga përhapja e mëtutjeshme e koronavirusit gjashtë vjeshtës.

Nga fillimi i epidemisë janë regjistruar mbi 80.100 njerëz të infektuar në Suedi, nga të cilët 318 në 24 orët e fundit. Në këtë vend kanë vdekur 5.739 njerëz nga Kovid-19.

Për dallim nga vendet e tjera evropiane, Suedia nuk vendosi karantinë mbi popullatën e saj, duke nxitur diskutime mbi efektivitetin e strategjisë së qeverisë në luftimin e koronavirusit.

Autoritetet besojnë se masat afatshkurtra mund të mos jenë efektive për periudha të gjata. Në Suedi, maskat mbahen vetëm nga stafi mjekësor, ndërsa kafenetë, baret dhe restorantet janë të hapura.

Comments are closed.