Shkup, 21 qershor – Agjencia për Shërbime Mediale Audio dhe Audiovizuale sot përmes kumtesës reagoi lidhur me kanosjet e fundit të dërguara drejt gazetarit Branko Geroski, transmeton KOHA.
Në kumtesë thuhet se për Agjencinë janë të papranueshme çfarëdo përpjekjes për parandalimin e lirisë së shprehjes.
“Gazetarët dhe mediat duhet të lihen që ta punojnë punën e tyre në mënyrë profesionale, ndërsa të gjitha subjektet, institucionet dhe opinioni në përgjithësi duhet të pranojnë se liria e shprehjes nënkupton pikëpamje të ndryshme pavarësisht nëse i pëlqen ose jo dikujt”, thuhet në kumtesë.