ASH: Thirrjet antishqiptare të “komitëve” edhe njëherë dëshmuan mentalitetin e tyre primitiv

24

Shkup, 20 shtator – Aleanca për shqiptarët ka reaguar me rastin e brohoritjeve anti-shqiptare të tifo grupit “Komitët” në Lagjen Gjorçe Petrov të Shkupit.

“Komitët ” janë shembulli më i keq i tifo grupeve që edhe kur humb ose kur fiton ekipi i tyre, mllefin ose gëzimin e shprehin tek dëshira për ‘shqiptarin e vdekur’. Janë këta tifoz komit frikacak që burrërinë e tyre mundohen ta tregojnë tek ai shqiptari i pafajshëm, që shikon punën e vetë. Por ky vandalizëm me brohoritje antishqiptare dhe ksenofobike jo që nxjerr në pah edukatën e tyre familjare, por vë në sprovë institucionet dhe organet shtetërore që duhet ta mbrojnë rendin dhe qetësinë, që për 30 vite me radhë përpos një komunikate se po hulumtohet rasti për gjetjen e personave qe prishin rendin publik dhe rrezikojnë tensione ndëretnike, ata kurrë nuk e ndëshkuan një ‘tifoz komit’ që e dëshiron shqiptarin e vdekur”, thuhet në reagimin e Aleancës së shqiptarëve.

“Është koha që tifozët komit ta kuptojnë se bëjnë gabim me brohoritjet e tyre anti shqiptare dhe ta kuptojnë se eventet sportive kanë për qëllim që të krijojnë afërsi dhe tolerancë duke i bashkuar popujt por edhe njerëzit. Përderisa nuk do ta kuptojnë këtë do të ngelin tifozë primitiv. Organet e rendit ta bëjnë punën e tyre që i obligon ligji, në të kundërtën do të vlerësohen si nxitës të këtyre brohoritjeve që rrezikojnë sigurinë e qytetarëve!”, reaguan në fund nga ASH.

Comments are closed.