Edhe Aleanca për Shqiptarët ka reaguar me rastin e ngjarjet e sotme në BFI, transmeton koha.mk.
“Aleanca për Shqiptarët shpreh shqetësimin e saj në lidhje me rastin e fundit në Bashkësinë Fetare Islame. BFI është një insitucion me vlerë të jashtëzakonshme shpirtërore për mijëra besimtarë myslimanë, dhe si tillë duhet të jetë autonom. Fatkeqsisht politika vazhdon ti fus duart në këtë institucion dhe të ketë ndikim në këtë Bashkësi. Kreu i BFI-së dëshmoi me gojën e tij se paska qenë i instrumentalizuar nga politika një kohë të gjatë dhe si i tillë nuk e meriton të mbaj më pozicinin që ka. Ndërsa vendimi i gjykates ndërmjet dy cikleve zgjedhore bën të dyshosh se përsëri qëllimi është instrumentalizimi për qëllime politike i këtij institucioni”, thuhet në reagim.
Më tutje ASH ka kërkuar që rasti të zbardhet dhe publiku të informohet drejt në lidhje me rastin, duke përkujtuar që BFI është institucion që i përket popullit.
“Aleanca për Shqiptarët insiston që rasti të zbardhet dhe opinioni te informohet drejt. Ju përkujtojmë se Bashkësia Fetare Islame është insitucion që i përket popullit dhe sështë vegël partishë dhe qëllimesh politike. Shpresojmë shumë që ky insitucion do të gjej forcën për të bërë ndryshimet e duhura dhe të domisdoshme, pa u bërë instrument i një strategjie të errët të ndonjë partie politike që kërkon të komandojë edhe Zotin!”, thuhet në fund të reagimit.