Sipas një ekonomisti turk, vëllimi i bankave islamike vlerësohet të arrijë në 2.2 trilionë dollarë në nivel global, përderisa asetet e përgjithshme të financave islamike parashikohen të arrijnë në 3.4 trilionë dollarë, raporton Anadolu Agency (AA).
Duke folur për AA, Necdet Şensoy nga Universiteti i Tregtisë në Stamboll tha se me 2.5 trilionë dollarë, asetet bankare islamike përbëjnë rreth 70 për qind të të gjitha aktiviteteve të financave islamike që nga viti 2018.
Şensoy njoftoi se ekzistojnë gjithsej 520 banka islamike në 72 vende, 301 prej të cilave janë plotësisht islame dhe pjesa tjetër në huadhënie konvencionale.
“Dritarja-bankare islamike” është një lloj strukture operative për të ofruar produkte dhe shërbime të financave islamike përmes degëve të bankave konvencionale.
Şensoy shpjegoi se që nga viti 2018, pjesa e bankave islamike në asetet e sektorit bankar ishte 6 për qind në nivel global, me asetet e financave islamike që arrinin në 51 miliardë dollarë në Turqi, 521 miliardë dollarë në Malajzi, 486 miliardë dollarë në Indonezi dhe 125 miliardë dollarë në Katar.
Në Turqi, sistemi bankar islamik ose pa interes njihet si pjesëmarrje bankare.
“Qendra e Financave në Stamboll e Turqisë mund të tërheq produkte të financave islamike (të tilla si ‘sukuk’ dhe fonde) duke krijuar një infrastrukturë ligjore dhe financiare”, tha Şensoy.
Projekti i Qendrës së Financave të Stambollit, që pritet të përfundojë nga fillimi i vitit 2022, do të shërbejë si një qendër globale për sistemet financiare dhe metodat financiare jo-bankare, përfshirë financat islamike.