Vrapimi është një aktivitet i cili nuk kërkon shumë shpenzime. Ju mjaftojnë në palë atlete, një veshje e përshtatshme dhe gjithçka u zgjidh. Nuk keni pse të paguani, siç ndodh kur shkoni në palestër. Më poshtë ju rendisim disa arsye përse duhet të filloni vrapin:
– Vrapi është tejet i shëndetshëm kur bëhet në natyrë dhe jo në palestër.
– Vrapi redukton rrezikun e prekjes nga sëmundjet e zemrës deri në masën 45&.
– Nëpërmjet vrapimit dobësoheni shuam shpejt, duke qenë se është mënyra më e mirë natyrale për të humbur kilet e tepërta. Duke vrapuar digjni 700-800 kalori.
– Vrapi ndihmon në forcimin e kockave. Është vërtetuar shkencërisht se po të vraposh 15 minuta 3 herë në javë, ulni me 40% rrezikun e osteoporozës.
– Gjatë vrapimit trupi prodhon endorfinë, e njohur edhe si hormoni i lumturisë, gjë që ju ndihmon të largoni stresin.
– Vrapi ju ndihmon të flini më mirë, pasi rrit prodhimin e sterotoninës në tru.
– Vrapi ndihmon në luftën kundër kancerit, duke qenë se në bazë të disa raporteve, shkaqet kryesore të kancerit janë mbipesha, problemet me imunitetit, niveli i insulinës në gjak etj., të cilat nuk i keni nëse vraponi.
– Vrapimi ngadalëson plakjen.
– Vrapimi nxit vetëvlerësimin.