Përbërja e re e Këshillit të Komunës së Kërçovës sot mbajti seancë konstituive në të cilën Aqif Mehdiu u zgjidh për kryesues së Këshillit. Pas seancës treorëshe për shkak të konsultimeve brendapartiake, për zgjedhjen e Mehdiut për kryetar të Këshillit të komunës votuan 14 këshilltarë nga gjithsej 23 sa numëron Këshilli. “Për” votuan nëntë këshilltarë nga radhët e BDI-së dhe katër nga LSDM dhe koalicioni si edhe këshilltari i vetëm nga radhët e Lëvizjes BESA.