Anketë: Më shumë se gjysma e grekëve pesimistë për të ardhmen e ekonomisë greke

Më shumë se gjysma e të anketuarve, përkatësisht 55 për qind janë pesimistë për ekonominë greke në muajt e ardhshëm, ndërsa sërish 49 për qind shprehin pesimizëm edhe për gjendjen e tyre personale ekonomike në periudhën e fundit, tregojnë rezultatet e hulumtimit të mendimit publik të zbatuar nga agjencia “puls” (Puls) për televizionin grek “Skaj”, lajmëroi korrespondentja e MIA-s nga Athina.

Optimizëm për ballafaqimin me situatën ekonomike shprehin 36 për qind (prej të cilëve vetëm 12 për qind janë me siguri optimistë, ndërsa 24 për qind të tjerë janë sigurisht optimistë) kundrejt 55 për qind të cilët shprehin pesimizëm.

Për masat qeveritare në mbështetjen e qytetarëve për ballafaqim me rritjen e çmimeve të energjisë, 51 për qind beson se janë në drejtim të drejtë (40për qind me siguri, 11 për qind sigurisht), ndërsa 41 për qind përgjigjet se janë në drejtim të gabuar.

Advertisements

Mendimi i qytetarëve është i ndarë në lidhje me sanksionet e BE-së ndaj Rusisë, ku 44% e të anketuarve janë përgjigjur se janë në drejtimin e gabuar dhe 43% në drejtimin e duhur.

Në pyetjen se kur është më mirë të zhvillohen zgjedhjet parlamentare, 46 për qind janë përgjigjur në vitin 2023, pra në fund të mandatit të Qeverisë, ndërsa 41 për qind janë përgjigjur gjatë këtij viti.

Në skenën politike, Demokracia e Re në pushtet ka një avantazh prej 8.5 për qind ndaj SYRIZA-s opozitare, ndërsa kryeministri në detyrë mbetet më i përshtatshmi për postin e kryeministrit, sipas përgjigjeve të qytetarëve.

Të anketuarit besojnë se Micotakis mund të merret më mirë me çështjet ekonomike dhe të politikës së jashtme dhe të mbrojtjes, krahasuar me liderët e SYRIZA dhe PASOK – Lëvizja për Ndryshim.

Sondazhi i agjencisë “Puls” për televizionin grek “Skaj” u realizua nga data 9 deri më 11 maj të vitit 2022, me 1206 persona me të drejtë vote.