Anketa IRI: BDI me 7 për qind, ASH me 4,2 për qind dhe BESA me 3,9 për qind

Zgjedhjet lokale që pritet të mbahen më 15 tetor duket se po zënë vend të rëndësishëm tek partitë politike që janë mobilizuar me të madhe për të nxjerë kandidatët më të mirë të mundshëm që kanë në rradhët e tyre, ndërkohë që në anën tjetër institute dhe agjenci të ndryshme tashmë nxjerin edhe anketat e realizuara me qytetarë se cila parti mund të jetë fituese në zgjedhjet lokale 2017.

Sipas Zhurnal.mk, nga anketa e realizuar së fundi nga IRI-i e cila pritet të publikohet këto ditë, partia më e madhe shqiptare pritet të jetë sërisht më e fuqishme me mbështetje më të madhe.

Sipas anketës jozyrtare, del se partia e Ali Ahmetit në këto zgjedhje lokale pritet të fitojë 7,0% të votave nga elektorati shqiptar, ndërkohë që pasohet prej Aleancës për shqiptarët që pritet të marrin 4.2% të votave, gjithmonë sipas anketës së realizuar. Në vend të tretë rradhitet Lëvizja BESA, që sipas anketës së IRI-t pritet të merr 3.9% të votave të elektoratit shqiptar.