Angellovska: Kujdes me çfarëdo lloj ndryshimesh në TVSH

30

Shkup, 2 korrik – Duhet të jemi të kujdesshëm me çfarëdo lloj ndryshimesh në Tatimin e Vlerës së Shtuar. Nëse merret çfarëdo lloj vendimi për ndryshim të këtij tatimi si masë eventuale antikrizë kjo do të ishte pas një analize të hollësishme dhe në bazë të fakteve dhe pa e dëmtuar ekonominë, vlerësoi sot ministrja e Financave, Nina Angellovska.

Ajo përkujtoi se prej para krizës shëndetësore kanë filluar analiza në Ministrinë e Financave dhe se duhet të ketë ndryshime në pjesën e normave të autorizuara tatimore, sepse nuk ka logjikë.

“Jemi në një periudhë parazgjedhore dhe një krizë, më parë në qeveri teknike, tani jemi më pak se dy javë para zgjedhjeve dhe vetë partitë politike në programet e tyre kanë disa pako ofertash dhe masash që do të marrin sa i përket TVSH-së. Nëse shikojmë programin dhe masat e TVSH-së, unë do të thosha që ne duhet të jemi shumë të kujdesshëm me çdo ndryshim në Tatimin mbi Vlerën e Shtuar si nga logjika ekonomike, ashtu edhe nga ajo analitike dhe krahasuese me vendet e tjera”, tha Angelovska, duke iu përgjigjur pyetjes së gazetarëve në konferencën për shtyp në Qeveri.

Siç tha, intervenimet te ky tatim për rimëkëmbje dhe si hapa dhe masa antikrizë janë në shtete të cilat kanë pagesë të fuqishme të të ardhurave dhe kapacitet shumë më të madh për grumbullimin e pagesave dhe më shumë mundësi.

“Në vendin tonë, TVSH-ja, si taksë në faza, kemi 18 përqind shkallë të tatimit, që kur erdha në Ministrinë e Financave filluam të punojmë për analiza dhe harmonizim në një pjesë të TVSH-së, konkretisht normat me BE-në dhe krahasimisht kemi punuar për rastin. Por ndodhi kriza dhe natyrisht mbetet për t’u parë nëse do të na duhet të pësojmë disa ndryshime sa i përket normës të taksave, sepse ekzistojnë disa parregullsi që kanë mbetur të tilla me vite, pra nuk kanë ndryshuar gjatë 20 viteve”, tha Angellovska.

Nëse shikojmë sistemin, shtoi, ne duhet të përmirësojmë gjërat shumë, dhe në të njëjtën kohë të punojmë në ekonominë gri, për të përmirësuar pagesën e TVSH-së. Por, si një masë anti-krizë, pas një analize të hollësishme, besoj se nëse merret ndonjë vendim për të ndryshuar këtë taksë, do të jetë në fakte, të qëndrueshme dhe nuk do të dëmtojnë asgjë tjetër në ekonominë tonë të vogël dhe të hapur, tha Angelovska. (koha.mk)

Comments are closed.