Në Dibër dy të sapoinfektuar me Kovid-19, rekomandimet për mbrojtje nuk respektohen

Dibër, 7 gusht – Në 24 orëshin e fundit në Dibër  janë konfirmuar  dy raste  të të sapoinfektuarve me Kovid-19, që është rasti i 15-të këtë muaj. Shifra më e madhe  e të infektuarve  10 ishte  regjistruar  më 1 gusht, kur për fat të keq  një i sëmurë vdiq.

Me  dy rastet e të sapoinfektuarve të konfirmuara sot, numri i tërësishëm arrin 210, prej tyre  në listën e të shëruarve janë regjistruar 84, nga ato një person i shëruar është regjistruar dje,  shtatë vdiqën, ndërsa aktivë të sëmundjes  janë 119 persona, prej të cilëve dhjetë janë hospitalizuar në institucionet shëndetësore në Shkup.

Nga numri i tërësishëm i të infektuarve madje 159 janë nga faza e dytë, përkatësisht nga 5 qershori, përballë 51 personave aq sa kishte në fazën e parë.

Nga Shtabi operativ komunal potencojnë se për shkak të mosrespektimit të rekomandimeve të kompetentëve,  numri i të sapoinfektuarve do të rritet sepse edhe më tutje  një numër i madh i qytetarëve   me simptoma të virusit të rrezikshëm paraqiten në Spitalin e përgjithshëm.

“Apelojmë në respektim  të masave dhe protokolleve. Apel të veçantë dërgojmë te të rinjtë, të cilët në numër të madh  janë në kafene ndërsa qytetarët e moshave të ndryshme relaksohen në bregun  e Liqenit të Dibrës me ç’rast  duke mos i respektuar as mbajtjen e distancës, as mbajtjen e maskave – apelojnë nga shtabi.

Dhe derisa kompetentët apelojnë në respektim të  rekomandimeve  një numër i madh i banorëve nga ky rajon atë nuk e bëjnë. Veçanërisht brengos  prania e rinisë në kafene, prania masive  në plazhet e Liqenit të Dibrës,si dhe ahengjet e vogla familjare ku ka grupime pa respektim të rekomandimeve për distancë fizike dhe mbajtje të maskave.

Sipas të dhënave statistikore në repartin e Dibrës për punë të brendshme, sërish,  e cila me aktivitetin e saj e mbulon  edhe komunën Qendër Zhupë, në 24 orëshin e fundit  tetë personave u janë dhënë urdhëresa  shkelëse pagesore për mosmbajtje të maskës mbrojtëse. Në dhjetë ditët e fundit  urdhëresa të tilla u janë dhënë më shumë se 60 personave.