Ambasadorja Kim kërkon masa nga KQZ-ja për parandalim të blerjes dhe manipulimit me votat zgjedhore

22

Tiranë, 15 janar – Në 100 ditët para zgjedhjeve parlamentare në Shqipëri, të planifikuara në 25 prill, Ambasadorja amerikane, Juri Kim kërkoi nga Komision Qendror i Zgjedhjeve (KQZ) t’i ndërmarrë të gjitha masat dhe aktivitetet për ta parandaluar blerjen dhe manipulimin me votat.

“KQZ duhet t’i ndërmarrë të gjitha masat e mundshme, jo vetëm që të mundësohet ndjekja penale e mosrespektimeve, por së pari të parandalohen ato, përfshirë edhe me zbatimin e masave për parandalimin e blerjes së votave dhe manipulimin me votat”, tha Kim.

Në takimin e pasdites me kryetarin e komisionit, Ilirjan Celibashi ajo e shprehu mbështetjen e plotë për rolin e rëndësishëm të komisionit në sigurimin e zgjedhjeve të lira dhe të ndershme.

Gjatë takimit, ambasadorja amerikane e theksoi nevojën për zbatimin në kohë dhe efikas të identifikimit biometrik dhe masave të tjera të nevojshme.

Ajo vuri në dukje se SHBA-ja mbetet një mbështetëse e palëkundur e Shqipërisë dhe popullit shqiptar në përpjekjet e tyre për demokraci më të mirë, liderë më të suksesshëm dhe një të ardhme më të mirë.