Ambasada SHBA-ve përmes një deklarate për televizionin 21 ka shprehur qëndrimin e saj lidhur me zhvillimet e fundit pas dështimit të përpjekjeve të mandatarit Nikolla Gruevski për të formuar Qeverinë. Në deklaratë theksohet se “Ambasada e SHBA-ve po e ndjek procesin e formimit të qeverisë dhe fton partitë të vazhdojnë bisedimet që do të shpiejn drejt formimit të qeverisë së re. Shpresojmë të punojmë së bashku me Qeverinë e Maqedonisë, pasi që ajo të jetë formuar, për të avancuar integrimet euro-atlantike, nëpërmjet implementimit të reformave të marrëveshjes së Përzhinos, posaçërisht në sferën e sundimit te ligjit. Në këto përpjekje, Shtetet e Bashkuara mbeten partner i Maqedonisë”, thuhet në deklaratën e ambasadës së SHBA-ve. (tv21)