Në 40 vjetorin e çmimit Nobel për Paqe të Shën Nënës Terezë, në Komunën Lecco të Italisë është mbajtur një koncert nga Adelina Paloja, e përcjellë nga pianistja Lule Elezi.
Dy artistet kanë njoftuar se ky koncert ishte një përjetim i rrallë, ku u prezantuan arie nga: F.Schubert, A.Catalani, L.Antoni/G.Tukici, A.Mula, G.Puccini.
Kjo mbrëmje artistike, siç transmeton KultPlus, është mbajtur nën patronatin e Konsullatës së Përgjithshme të Republikës së Kosovës në Milano , Shoqata kulturore e humanitare “Stublla”, Konsullata e Përgjithshme e Republikës së Shqipërisë në Milano, Komuna e Lecco-së.