Një 60-vjeçar ka rënë në prangat e policisë pasi ka ngacmuar seksualisht vajzën e tij të mitur, vetëm 10 vjeç. Ngjarja e rëndë ka ndodhur në Tiranë, ku Stefan P., ka ushtruar dhunë fizike e psikologjike ndaj bashkëshortes së tij M.P., 43 vjeçe dhe fëmijës së mitur V.P., 10 vjeç. Rreth orës 18.30 të së hënës, nën ndikimin e alkoolit, Stefan P. dyshohet se ka kërcënuar me jetë vajzën e tij me anë të një thike dhe ka qenë ndërhyrja e nënës që ka parandaluar ngjarjen. Vajza e mitur ka deklaruar në praninë e psikologes para oficerëve të policisë së i ati kryente vazhdimisht veprime të turpshme me të, duke i treguar organet gjenitale. Ndaj nënës dhe vajzës u plotësua urdhri i menjëhershëm i mbrojtjes, ndërsa mbi 60-vjeçarin rëndon akuza e dhunës në familje dhe kryerja e veprimeve të turpshme me të mitur.