Në një zjarr të madh që ka ndodhur këtë mëngjes, është djegur deri në themel një kafene në qendrën e Prilepit, ndërsa është shkaktuar edhe dëm material në objektet përreth. Sipas Stanko Koleskit, shefi i Njësitit të zjarrfikësve të Prilepit, thirrjen për zjarrin e kanë marrë në ora 3:33 dhe kanë intervenuar menjëherë. Bëhet fjalë për një zjarr të madh në qendër të qytetit që ka mundur të përhapet edhe në objektet përreth.
Zjarri ka shkaktuar dëme të mëdha materiale që vlerësohen të jenë mbi 200.000 euro. Kur filloi zjarri, ndërtesa ishte bosh, por kanë qenë të angazhuar persona të sigurisë së objektit. Jozyrtarisht, ka dyshime se zjarri mund të ketë qenë i qëllimshëm.