​Meçi mes dy boksierëve përfundon me nokaut të dyfishtë (VIDEO)

Meçet e boksit janë gjithmonë më argëtuese kur përballja mes boksierëve përfundon me një nokaut. Megjithatë, përderisa shpeshherë ndodh që fituesi të shpallet pasi e nokauton kundërshtarin, rrallëherë ndodh që të dy boksierët ta nokautojnë njëri-tjetrin në të njëjtën kohë.

Dy boksierë pësuan nokaut pikërisht në të njëjtën kohë gjatë një meçi në Indi dhe ky mund të jetë një ndër momentet më të çuditshme që mund ta shikoni deri tani këtë vit, transmeton Gazeta Express, përcjell gazeta KOHA.

Sa i përket rregullave, nokautet e dyfishta janë aq të rralla saqë shumica e organeve rregulluese të meçeve të boksit nuk i klasifikojnë ato fare. Megjithatë, meçi mes këtyre dy boksierëve përfundoi  pa fitues pasi që gjyqtari e vlerësoi si barazim.

Dy boksierët duken se i godasin kokat mes vete, ndërsa një person që është duke e incizuar këtë meç dëgjohet duke thënë: “Çfarë ndodhi?”.

Atyre të dyve u nevojiten rreth 25 sekonda për t’u ngritur në këmbë përderisa gjyqtari është duke i mbajtur duart lart.