Suspendohet gazetari që i quajti serbët “derra të mallkuar”

Moderatori i njohur i radios suedeze, Gert Fylking  është suspenduar nga puna, për shkak të cilësimeve që i bëri popullit serb në emisionin “Bota e Gertit. Siç raportojnë mediat, Fylking në ndërkohë kishte kërkuar falje që duke e ndërlidhur popullin serb me vrasësin monstruoz Anders Brejvik,  kishte thënë se serbët janë “të retarduar, derra të mallkuar dhe psikopatë”. “Më 17 prill kam bërë shumë deklarata të pamenduara dhe të pasakta në programin që ishte provokues si për dëgjuesit me origjinë serbe ashtu edhe për të tjerët... Më vjen keq”, deklaroi ai. Në faqen e Radios 1 të Stokholmit, që i kushtohet emisionit të tij “Bota e Gertit”, thuhet se është marrë vendim që “”Gerti nuk do të shfaqet për një kohë në radio për shkak të deklaratës për serbët”. Fylking është bërë me nam në Suedi si artist, por merret aktivisht edhe me politikë.