Në dy aeroportet vjet kanë kaluar 1.8 milionë udhëtarë

4

Shkup, 11 janar – Gjithsej 1.794.376 udhëtarë në vitin 2016 kanë udhëtuar përmes dy aeroporteve të Maqedonisë “Aleksandri i Madh” në Shkup dhe “Shën Apostull Pali” në Ohër që është 15 për qind më shumë në krahasim me vitin 2015, kur janë evidentuar 1.560.381 udhëtarë, njofton “TAV Maqedoni”. Kompania njofton edhe se është rritur numri i operacioneve për 8,9 për qind, duke arritur gjithsej 16.883 fluturime. “Jemi të kënaqur që arritëm rritje dyshifrore të numrit të udhëtarëve në nivel vjetor, më e lartë nga mesatarja e BE-së dhe nga mesatarja në rajon. Edhe në vitin 2017 do të vazhdojmë në këtë drejtim, duke i përqendruar qëllimet tona kryesore në zgjerimin e rrjetit të linjave nga aeroportet në Shkup dhe Ohër, duke bashkëpunuar me Qeverinë, me të gjithë institucionet e involvuara kompetente për aviacionin dhe me kompanitë ajrore”, deklaroi drejtori i përgjithshëm i “TAV Maqedoni” Alper Ersoj. Sipas të dhënave për komunikacionin rrugor, Stambolli (me dy aeroportet “Ataturk” dhe “Sabiha Gokçen”) është destinacioni më frekuentues nga Aeroporti “Aleksandri i Madh” në vitin 2016, me 12,6 për qind pjesë tregu, pastaj pasojnë Cyrihu me 10,2, Vjena me 6,3, bazeli me 5, Malme me 4,8 dhe Londra me 4,3 për qind. Lidhur me pjesën e kompanive ajrore në komunikacionin rrugor, Wizz Air ka transportuar numër më të madh të udhëtarëve, 54,8 për qind, ndërsa pastaj pasojnë Turkish Airlines, Austrian Airlines, Germania Flug, Pegasus Airlines dhe Edelweiss. Dita më e frekuentuar në aeroportin e Shkupit në vitin 2016 ka qenë 12 gushti kur kanë udhëtuar 5.641 udhëtarë, ndërsa numri i përgjithshëm i lëvizjeve të aeroplanëve ka qenë 50, ndërsa pastaj edhe 21 korriku kur gjithsej 5.604 udhëtarë janë transportuar për një ditë me gjithsej 51 lëvizje të aeroplanëve. Kargo-komunikacioni në aeroportin në Shkup ka rritje të konsiderueshme prej 10,9 për qind në vitin 2016 me gjithsej 3.090 tonë dërgesa të transportuara me aeroplan. Sipas “TAV Maqedoni”, kjo rritje kryesisht është meritë e eksportit të rritur të mallrave, por edhe të popullarizimit të porosive individuale përmes internetit të transportuara përmes rrugës ajrore. “Viti i kaluar 2016 ka qenë vit shumë i suksesshëm për rritje të komunikacioni në aeroportin në Ohër, ku numri i udhëtarëve është rritur në 39,2 për qind në nivel vjetor, për çfarë arsye Këshilli ndërkombëtar i aeroporteve (Airports Council International – ACI) në disa kuartale të njëpasnjëshme e shpalli “Shën Apostull Palin” për aeroport me rritje më të shpejtë në kategorinë e tij”, informon kompania. Krahas rritjes së rëndësishme të komunikacionit në nivel vjetor, viti i kaluar do të shënohet si i suksesshëm për “TAV Maqedoni” dhe për shkak të marrjes së çmimit ASQ (Airport Service Quality) për cilësi të shërbimeve të aeroporteve i është ndarë aeroportit në Shkup, për herë të tretë në pesë vitet e kaluara, nga ana e Këshillit ndërkombëtar të aeroporteve  (Airports Council International – ACI). Aeroporti në Shkup u shpall për aeroport më të mirë në Evropë lidhur me cilësinë e shërbimeve të aeroporteve, në kategorinë e aeroporteve nën dy milionë udhëtarë.

Të Ngjajshme