Ajo çfarë ju konsumoni lidhet ngushtë edhe me dukjen tuaj, pasi ka shumë ushqime të cilat vërtet mund të jenë aleatë të rëndësishëm në bukurinë tuaj. Dhe në mesin e këtyre ushqimeve që ndikojnë në pamjen tuaj të bukur janë edhe kumbullat e thata, kjo pasi këto fruta përmbajnë materie të cilat i shuajnë radikalet e lira në gjak. Ndërsa, sa më pak radikale të ketë, aq më e vogël është mundësia që lëkura juaj t’i ngjajë kumbullës së thatë. Përveç kësaj, kumbullat e thata ndihmojnë edhe tek ata që duan të humbin në peshë, pasi ato ndikojnë në tretjen më të mirë të ushqimit.