Hyrje | Kolumna | Përqindja shqiptare

Përqindja shqiptare

Madhesia e germave: Decrease font Enlarge font
image

Shkëlzen HALIMI

Marrëveshja Kornizë e Ohrit është një dokument që ende nuk mund të gëlltitet nga disa konjuktura politike maqedonase, ndaj nuk pushojnë përpjekjet që ky dokument të paraqitet si i “vdekur”. E vetmja mënyrë për ta zhbërë këtë Marrëveshje të rëndësishëm dhe të verifikuar nga qendrat ndërkombëtare të vendosjes, është ndryshimi i përqindjes së shqiptarëve, tendencë kjo që gjithnjë e më shumë aktualizohet nga disa mediume maqedonase të afërta me partinë në pushtet.
Sipas tyre, numri i shqiptarëve në Maqedoni është nën 20 për qind nga numri i përgjithshëm dhe kjo automatikisht e bën të pavlefshëm Marrëveshjen Kornizë (e cila gjen zbatim vetëm me kusht që shqiptarët të jenë mbi 20 për qind), e cila i dha fund konfliktit të vitit 2001. Indikatorët që i sajojnë këto konjuktura janë më shumë se qesharake. Një nga to, sipas tyre, na qenka edhe numri i përgjysmuar i daljes së votuesve shqiptarë në zgjedhjet e fundit lokale, ndërkaq si shembull marrin Kërçovën, me humbjen e së cilës assesi të pajtohen. Prandaj, po sipas tyre, për ta marrë pushtetin në këtë komunë, shqiptarët organizuan çarter-fluturime për të ardhur në vendlindje dhe për ta siguruar fitoren. (Nëse flitet për çarter fluturimet e shqiptarëve, atëherë është e moralshme dhe e udhës të flitet edhe për çarter-autobusët e votuesve maqedonas nga Shqipëria).
Ja se ç’argument pa krip nxjerrin përfaqësuesit e qendrave antishqiptare në Maqedoni. Është fakt i pamohueshëm se janë me dhjetëra e dhjetëra mijë shqiptarë nga Maqedonia, të cilët sot janë të shpërndarë në të gjitha meridianët e botës. Por, në vetëdijen e çdo shqiptari vendlindja mbetet si diçka e shenjtë. Mërgimi është vetëm një e keqe e imponuar për ta siguruar një ekzistencë pa brenga dhe krijim të kushteve për t’u kthyer në vatrën shekullore.
Asnjë shqiptar nuk është larguar me vetë-dëshirë, përkundrazi, gjithmonë ka qenë i shtrënguar ta bëjë këtë nga mospasja e perspektivës për punë të përhershme, por edhe për shkak të diskriminimit permanent një herë nga pushteti komunist, e më vonë (deri në ditët e sotme) edhe nga pushteti “demokratik”.
Edhe sot, çdo i ri jo vetëm shqiptar, më me endje do të largohej nga Maqedonia, sepse perspektiva e tyre, së paku shikuar nga këndi i tanishëm, është më shumë se e zymtë. Por, shqiptarët, edhe nëse largohen përkohësisht nga vatrat e tyre, ata me vete marrin dhembjen e thellë shpirtërore dhe amanetin për t’u kthyer aty ku prehen të parët e tyre.
Një indikator tjetër, sipas këtyre konjukturave, na qenka edhe obstruksioni politik i shqiptarëve për t’u bërë regjistrimi i popullatës. Ja edhe një gënjeshtër e kulluar. Edhe zogjtë e malit e dinë se shqiptarët nuk janë në pozita ku dirigjohen obstruksionet. Prandaj, është shumë e qartë se kush i bën këto obstruksione, përkatësisht kush e ka fuqinë. Është çështje tjetër që shqiptarët me kohë arritën t’i detektojnë qëllimet e realizimit të skenarit ogurzi, përkatësisht planin për uljen drastike të përqindjes së shqiptarëve nën 20 për qind.
Shqiptarët kanë përvojë shumë të keqe me regjistrimet jo vetëm tani, por edhe në të kaluarën kur, bie fjala, pushteti komunist i regjistronte ashtu siç i konvenonte, herë si turq, herë si mysliman e herë siç i tekej. Gjithsesi duhet potencuar se shqiptarët vetëm për hir të stabilitetin të brendshëm u pajtuan me regjistrimin e fundit, atë të vitit 2002, kur u tha se nga numri i përgjithshëm i popullsisë janë 25.17 për qind. Në fakt, shqiptarët mendojnë se janë shumë më tepër, mbi 30 për qind dhe këtë bindje s’ka askush që ua shlyen.
Regjistrim do të ketë vetëm atëherë kur të krijohen kushtet reale dhe kur do të arrihet ujdia që të regjistrohen edhe ata shqiptarë që përkohësisht janë në botën e jashtme, të cilët nuk llogariten as të gjallë kur duhet të bëhet regjistrimi i popullsisë. Por, kur dërgojnë ose kur sjellin miliarda euro në Maqedoni, atëherë ata janë shpirti i ngjalljes së shtetit. Kemi thënë edhe më herët se shqiptarët janë aq sa janë, kurse Marrëveshja Kornizë e Ohrit, me të gjitha përparësitë e mangësitë, do të duhet të zbatohet deri në pikën e fundit, pavarësisht se kjo nuk po u pëlqen disa konjukturave politike maqedonase, të cilat në bashkëveprim me mediumet, sajojnë rrëfime ezopiane, si ajo me titull “Ujku e qengji”, kur ujku pinte ujë në krye të një përroi e akuzonte qengjin që gjendje poshtë se ia turbullon ujin.

Vlerëso tekstin
2.00
  • email Email shokëve
  • print Printo
  • Plain text Vetem tekst
Tjera ngaKolumna
Previous
image
Feja dhe policia
Emin AZEMI ...
image
Arsimi i kontrabanduar
Që nga privatizimi i arsimit të lartë, në shumë raste ai u bë një formë legale e shitjes së diplomave. Dhe, kështu si kërpudhat pas shiut, na mbinë mijëra shqiptarë të diplomuar anekënd trojeve tona, madje - që ishte më e keqja - përmes kësaj rruge thuaja çdo të dytën ditë në lagjen tonë ngrihej nga gjumi një doktor shkence ...
image
Çyçek-donkishotizëm me ritëm të gabuar
Me parti të importuara nga jashtë nuk mund të bëhet opozita. Ka kohë që në opinionin e këtushëm publik qarkullon lajmi për formimin e një ...
image
Parimet, transparenca dhe llogaridhënia
Neve si qytetarë vërtet na intereson se cilat janë parimet e pjesëmarrjes në qeverisje të partive shqiptare. Cilat janë shtyllat e ofertës së tyre politike apo cila është vija e kuqe parimore, përtej së cilës nuk do të dilnin me asnjë çmim? A kanë ato ndonjë parim që nuk do ta shkelnin?...
image
Ne dhe monstra
Ky dyzim i ri është për tej fetar, ka të bëjë me progresiven dhe regresin me evropianizmin dhe fanatizmin, sepse në një anë janë ata që edhe pse myslimanë e shohin të ndarë zhvillimin e shoqërisë nga feja dhe të tjerët më pak ose më shumë ekstremistë që evidentojnë fenë para gjithçkaje tjetër, madje edhe duke e mohuar kombin. Një sfidë e radhës e shoqërisë që po vjen kryesisht si pasojë e krizës së vlerave dhe devalvimit total që politika i ka bërë institucioneve që duhet të mbrojnë specifikat shqiptare...
image
Marrëveshja e Ohrit nuk është lojë
Po të zbatohej Marrëveshja e Ohrit, për së mbari e me kohë, nuk do të kishim pasur këso mediash të cilat shpeshherë e luajnë rolin e policisë, të prokurorëve dhe të gjyqit. Natyrisht vazhdimisht në bankën e të akuzuarit këta policë shpirtërorë i ulin shqiptarët. Duke i fyer shqiptarët pa karar e pa insaf, pa argumente e pa nevojë, ata ndikojnë që shteti të mos funksionojë si shtet, por si parti...
image
MO, një këmishë që shqiptarët as po dinë ta lajnë as ta ndërrojnë
Aranzhmanet parazgjedhore që bënë liderët shqiptarë me politikanët maqedonas, duke pranuar të zëvendësojnë Marrëveshjen e Ohrit me marrëveshje të ashtuquajtura të Marsit e Majit, të bëra kryesisht nëpër lokale të dyshimta të Shkupit, janë në fakt minat e kamufluara që vetë shqiptarët i tempuan për të mos ecur mirë implementimi i MO. Prandaj ndodhi që edhe atëherë kur kryeministrat maqedonas i shkelën me të dyja këmbët afatet e implementimit të Marrëveshjes së Ohrit, partitë shqiptare vazhduan të mos e prishin terezinë e pushtetmbajtjes në koalicionet e krizave dhe të irritimeve mbi baza etnike e fetare ...
image
Mosmarrëveshja e Ohrit
Korniza, që Marrëveshja e Ohrit synonte ta krijojë për avancimin e mëtejmë të marrëdhënieve të mira ndëretnike në Maqedoni, për fuqizimin e shtetit multietnik, për krijimin e mirëbesimit etj., le që nuk u tregua si e madhe për t’u plotësuar me gjëra të reja, por ajo shkoi duke u zvogëluar gjithnjë, saqë tash duket jo më si kornizë, por si një zarf i vogël në të cilin hyjnë vetëm dëshirat e dhjetëra politikanëve që marrin pjesë në pushtet dhe asgjë më shumë ...
image
Përtej Marrëveshjes së Ohrit
Përveç retorikës ne s’kemi parë deri më sot zyrtarë të denoncuar për mospërmbushje apo për vonesa të jetësimit të Marrëveshjes së Ohrit. Qoftë larg dorëheqje! Marrëveshja e Ohrit erdhi si rezultat i një konflikti, ku njerëzit rrezikonin jetën, disa edhe e humbën, kurse sot pas 13 vjetësh asnjë nuk rrezikon postet për mos zbatimin e saj. Kjo duhet të marrë fund...
image
Nga ëndrra te dielli, një ylber i dëbuar në mes
Mjeshtëria e bashkëdyzimit të realiteteve të kundërta, është konsideruar gjithmonë ana e dobët e politikës. Kjo dobësi po manifestohet edhe tek politikanët maqedonas. Në vend se të pranojnë realitetin politik ashtu siç është, ata po duan ta bëjnë sipas mides së tyre. Njëri po do të ketë punë me shqiptarë që s’përfaqësohen ekskluzivisht nga BDI, tjetri po na përkujton se nuk mund të përsëritet 2001-shi. Nëse ekskluziviteti i 2001-shit lidhet me BDI, siç parapëlqejnë të thuan eksponentët e kësaj partie, atëherë është shumë problem për Maqedoninë nëse del dikush nga shqiptarët dhe ia fillon aty ku ka ngelë 2001-shi. S’besojmë që Ivanovit do t’i pëlqejnë edhe këta shqiptarë ...
image
Atdheu i ekstremizmit
Vërtet shteti shekullar nënkupton që ai të jetë i ndarë nga feja, por kjo nuk nënkupton që nuk duhet t’i organizojë edhe kushtet e përgjithshme për funksionimin dhe mbarëvajtjen e jetës fetare. Prandaj është koha e fundit që ata të mendojnë përtej bindjeve të tyre, që mund të jenë edhe ateiste, por në interes të qytetarëve të tyre ...
image
Është super shqiptare të mos jesh fanatik!
Misioni tashmë është udhë rrëfimi drejt vlerave reale dhe përparimit. Drejt civilizimeve ku ka përkitur gjithmonë shqiptari me çfarë do besimi që ka pasur dhe kjo është Evropa. Është koha të nderuar për të folur dhe kundërshtua hapur gjithë këtë banalitet fetar, social, politik që është duke ndodhur. Në të kundërt do të mbytemi të gjithë në të dhe asgjë e jona që është me vlerë s’do të jetë më. Dhe PO, fajtor do të jemi të gjithë, që nga politika që i sheh të tëra dhe hesht dhe s’bën asgjë pa fije morali e deri tek unë dhe ti. Nazim RASHIDI...
image
Këtë s’e hesht dot, jo
Xhabir AHMETI...
Next
Arkivi
first first Gusht, 2014 first first
Di Ma Me En Pr Sh
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
Arkivi sipas gazetareve
Tags
Ska tags per kete artikull