Fillimi | Globi | Lista e deputetëve të PS-së

Lista e deputetëve të PS-së

Madhësia: Decrease font Enlarge font
image

Ka përfunduar pak pas orës 22:00 mbledhja e Kryesisë së Partisë Socialiste, në fund të të cilës, kreu i PS-së, Edi Rama foli për një skuadër fituese të 23 qershorit. 

 

“PS i hapi rrugën një fitoreje me një skuadër kombëtare që pa asnjë dyshim do të luftojë në cdo qark për të fituar. Ju do të keni në dispozicion emrat, por unë do të nënvizoj se jam shumë krenar që kam patur privilegj të punoj, të bashkëpunoj me burrat dhe gratë të një grupi parlamentar që është në përfundim të mandatit të vet të cilët edhe pse nuk u përfshinë në listën e skuadrës së 23 qershorit, në përgjithësi kanë treguar jo vetëm mirëkuptim, por edhe ndjenjë të fortë përkatësie ndaj PS, me sinqeritet dhe me prova konkrete duke pranuar madje në disa raste të përfshihen në pjesë jo të drejtpërdrejtë fituese dhe duke treguar se janë këtu për ato që thonë, janë këtu për ato që bëjnë në aktivitetin e tyre të përditshëm dhe nuk janë këtu sic fatkeqësisht është ndonjë rast, për të thënë tjetër gjë e për të bërë tjetër gjë. Dëshiroj të falenderoj dhe iu shpreh konsideratat më të larta të gjithë atyre që nuk ishin pjesë e grupit parlamentar dhe që nuk u përfshinë as në këtë skuadër”, nisi fjalën e tij zoti Rama. 

 

Rama u ndal edhe tek reagimi i emrave të rëndësishëm që nuk u përfshinë në listën e kandidatëve për deputetë, njëri prej të cilëve ishte edhe Arben Malaj. 

 

“Sot kemi bërë një zgjedhje të qartë. Duam një skuadër që të fitojë dhe nesër të tregojë koherencë, kohezion që axhenda kombëtare dhe e PS është mbi cdo axhendë personale. Të tregojë që jemi këtu së bashku për të bërë gjërat që themi, ndaj janë bërë disa zgjedhje për të mos u përfshirë në skuadrën e re anëtarë të kryesisë së PS. Këtu vecoj se ka patur zgjedhje të ndryshme reagimesh ndaj këtij vendimi. Sigurisht asnjë s’ka qenë i lumtur në këtë, por sjellja ka qenë e ndryshme dhe përsëri janë ndarë qartësisht ata që janë këtu për PS dhe dikush që fatkeqësisht nuk ka mundur të vazhdojë në këtë rrugë dhe nuk ka patur këtë”, tha Rama. 

 

Emrat e pare te njohur qe nuk jane perfshire ne listen e PS-se jane dy, Arben Isaraj dhe Arben Malaj. Malaj la mbledhjen me heret dhe në një deklaratë për gazetarët nga Selia Rozë la të kuptohej se do të dilte i pavarur në zgjedhje. 

 

“Nuk do të jem në listën e Partisë Socialiste për Qarkun e Vlorës. Një vendim personal i kryetarit Rama. Jam përgatitur për këtë, sepse shumë nga këta që rama kultivon me kult dhe që nuk kanë asnjë angazhim publik dhe politik, kishin kohë që betoheshin që do të zhdukim Malajn nga politika”, tha Malaj. 

 

Më tej, Malaj shtoi se është përgatitur për këtë skenar dhe tha se gjithcka do të bëhet më e qartë ditën e nesërme në orën 12:00 kur do të dalë në një konferencë për shtyp. Ai nuk përjashtoi mundësinë e kandidimit si i pavarur. 

 

Sa për prurjet e reja, ato kanë nisur që në shkurt, kur Rama prezantoi Alfred Pezën për qarkun e Elbasanit. 

 

Sa për qarqet ato pritet të kryesohen si më poshtë: Gramoz Ruçi udhëheq në Fier, Pandeli Majko do kryesojë listën në Tiranë, Ben Blushi në Qarkun e Elbasanit, në Korçë Bashkim Fino, ndërsa  Gjirokastra në Gjirokastër Arben Ahmetaj. Ndërkohë, deputeti aktual PS-së, Erjon Braçe është vendosur i dyti, fill pas kreut të Asamblesë së PS-së Gramoz Ruçi në Qarkun e Fierit. 

 

Shkodra do të kryesohet nga Mimoza Hafizi. Në Kukës është përcaktuar Vexhi Muçmataj, në Lezhë Mimi Kodheli, në Durrës Blendi Klosi dhe në Dibër Shkëlqim Çani. 

 

Malaj, jo në listat e PS

“Do kandidoj i pavarur, do t’i shërbej qytetarëve”

 

“Së pari, e mbi të gjitha dëshiroj të falënderoj median, për të gjithë mbështetjen që më ka dhënë dhe do të më japë në karrierën time politike. Dëshiroj të falënderoj të gjithë votuesit, që kanë votuar Partinë Socialiste, dhe sidomos ata që më kanë votuar për 16 vjet në politikë. Sigurisht, ky nuk është fundi i karrierës time. Duke vendosur që të dal si kandidat i pavarur, pra nuk kam pranuar asnjë ofertë as majtas dhe as djathtas, mendoj që ky të jetë fundi i neodiktatorëve në politikën shqiptare. Ishte zoti Rama, dhe dëshiroj të falënderoj edhe të gjithë përfaqësuesit politik të së majtës në qarkun e Vlorës, që më kishin dhënë mbështetje maksimale. Vendimi për të mos u përfshirë në asnjë listë ishte vendim individual i Ramës, nuk kam asnjë problem individual me të, por jam i shqetësuar që në mënyrë të përsëritur Partia Socialiste dështon për të mundur qeverinë Berisha dhe për t’i dhënë vendit një qeverisje më të mirë. E kam ditur që në momentet e para, që lufta që kam bërë për të mos ndryshuar Kushtetutën në mënyrë arrogante dhe jo transparente, e cila ka prishur themelet e shtetit ligjor. E kam ditur që kur i kam kërkuar grupit parlamentar të Partisë Socialiste të mos bënte bllokim të funksionimit të parlamentit në një demokraci parlamentare, kur kam kërkuar që të votonim ligjet e integrimit europian, kur kam iniciuar një proces demokratizues dhe modernizues të Partisë Socialiste, që do të paguaja një çmim për të gjitha këto. Por, ky është çmimi më i vogël që mund të paguajë një politikan, i cili nuk ka asnjë interes për një karrige, por ka interes që partia e tij, Partia Socialiste, të ishte partia që të mposhtte Sali Berishën nga avantazhet e saja, dhe jo nga kopjimi i stilit të tij”, është shprehur Malaj. 

 

Reagon edhe Fatos Nano për rastin “Malaj”

 

Pas bërjes publike të rastit të Arben Malajt, i cili ka mbetur jashtë listave për kandidatë të Partisë Socialiste në zgjedhjet e 23 qershorit, ka ardhur edhe një reagim nga ish-kreu i Partisë Socialiste, Fatos Nano, në Facebook.

 

“Turp!!! Nuk mund të zëvendësohet një themelues dhe një nga kontribuesit më të mëdhenj të së majtës si z. Malaj, z. Braçe, z. Islami, etj, me kapitalistë të tipit Koço Kokëdhima, që do të hyjë në politikë për të mbrojtur interesat personale të bizneseve të tij. Ja pse është luftuar Rama për kaq kohë nga z. Nano!!!” 

 

LSI depoziton listën, Meta i pari në Tiranë 

 

LSI ka depozituar në Komisionin Qendror të Zgjedhjeve listën me emrat e kandidatëve për deputetë në zgjedhjet e 23 qershorit. 

 

Sipas informacioneve të fundit, numrin më të madh të kandidatëve kjo parti do ta ketë në Tiranë, ku kandidojnë: Ilir Meta, Klajda Gjosha, Luan Rama dhe Ylli Manjani. 

 

Qarku i dytë më i rëndësishëm për këtë parti është ai i Durrësit, ku i pari në listë është ish-kryetari i bashkisë së këtij qyteti, Lefter Koka, i ndjekur nga Edmond Panariti. 

 

Numri dy i kësaj partie, Petrit Vasili, ish-ministër i Shëndetësisë dhe deri pak më parë nënkryetar i bashkisë së Tiranës, do të kryesojë listën e Fierit, ndërsa Vangjel Tavo do garojë në Gjirokastër bashkë me Reshat Zikën. 

 

Në veri të vendit lista e partisë së dytë të koalicionit të majtë do të përfaqësohet nga Agron Çela dhe Nora Malaj në Shkodër, Apostol Goci dhe Qemal Elezi në Kukës dhe Përparim Spahiu në Dibër. 

 

Monika Kryemadhi, bashkëshortja e kryetarit Ilir Meta, do të kryesojë listën e Lezhës, e ndjekur nga Petrit Gjoni. Ish-ministri i Jashtëm Edmond Haxhinasto do të kandidojë në Elbasan, ndëkohë që qarku i Korçës plotësohet nga emrat e Pirro Kapuranit dhe Mimoza Gushos. 

 

Dritan Prifti garon si i pavarur 

 

Ndërkohë, ish-anëtari i LSI dhe dikur një nga personat më të afërt të Metës, Dritan Prifti, ka dorëzuar në KQZ kërkesën për të kandiduar si deputet i pavarur në qarkun e Fierit. 

 

Emri i tij nuk u pranua as nga Partia Socialiste, sikurse shpresonte ish-ministri i Energjitikës, i cili së fundmi u shpall i pafajshëm në një proçes për korrupsion. 

 

Emra të tjerë të njohur për kandidatë të pavarur nuk ka, përveç disave që për momentin mbahen sekret nga instituti qëndror që menaxhon proçesin elektoral. /TCH/ 


Votoni këtë tekst
5.00

Subscribe to comments feed Komente (0 dërguar):

gjithsej: | shfaqen:

Dërgoni komentin comment

Shkruani kodin e fotos:

  • email Email mikut
  • print Verzioni print
  • Plain text Tekst i thjeshtë
Tjera ngaGlobi
Previous
image
Jep dorëheqje David Cameron
David Cameron ka deklaruar se do të jap dorëheqje nga posti i kryeministrit, pasi që Britania e Madhe tanimë ka votuar për tu larguar nga...
image
Britania ka votuar për dalje nga BE-ja
Rezultatet e referendumit britanik tregojnë se Britania e Madhe ka votuar në favor të daljes nga Bashkimi Evropian, njoftojnë mediat britanike. . Në bazë të rezultatit...
image
Dy fëmijë mbyten në një gropë në Prishtinë
Në lagjen Kolovica të Prishtinës kanë humbur jetën dy fëmijë, pasi kanë rënë në një gropë e cila është hapur nga dikush për punime. “Rreth orës...
image
Votuesit britanikë sot vendosin: Po ose jo në BE
Votuesit në Britaninë e Madhe vendosin sot për të mbetur ose jo në Bashkimin Evropian. Është ky referendumi i parë për lidhjet e këtij vendi...
image
Arrestohet për pedofili ushtari i FSK-së në Amerikë
Zyrtarë të Ministrisë së Forcës së Sigurisë kanë konfirmuar për Radion Evropa e Lirë, se një pjesëtar i kësaj Force është arrestuar në Shtetet e...
image
Juncker: Britanikët të mos largohen nga BE-ja
Presidenti i Komisionit Evropian, Jean-Claude Juncker, i ka tërhequr vërejtjen Britanisë se votimi për largim nga Bashkimi Evropian, do të jetë “një akt i vetëdëmtimit”,...
image
Administratorja që dhunoi fëmijën rrezikon 20 vite burg
“Panorama” zbardh dëshminë e administratores së kopshtit “Diren”, Anjeza Shabani, e cila u filmua duke rrahur një fëmijë nga emisioni “Stop”. Shabani, ish-¬moderatore e emisionit...
image
Biden kritikon qëndrimet anti-myslimane të Trumpit
Nënpresidenti i Shteteve të Bashkuara, Joe Biden, ka thënë se politikat e kandidatit republikan për president të SHBA-së, Donald Trump, janë të dëmshme. “Një pjesë e...
image
Vizat për Kosovën pas plotësimit të dy kritereve: demarkacionit dhe luftimit të krimit
Vendimmarrja e Brukselit ka disa javë që është vënë në veprim sa i përket hapit final për heqjen e vizave për Kosovën. Të njëjtin angazhim zyrtarët...
image
Alarm për bombë në Bruksel, arrestohet një burrë
Një burrë është arrestuar pas një operacioni anti-terror që filloi nga një alarm për bombë në një qendër tregtare në Bruksel, thonë autoritet belge, raporton...
image
Dhuna në çerdhe, ndalohet administratorja
Në Tiranë policia ka shoqëruar dhe ka nisur procedimin penal ndaj administratores së një kopështi privat, pas pamjeve të shfaqura në emisionin investigativ televiziv “Stop”...
image
Një grua do të drejtojë qytetin e Romën
Avokatja Virxhinia Raxhi e lëvizjes “5 yjet” është kryebashkiakia e parë femër në kryeqytetin italian Romë. Në zgjedhjet lokale të mbajtura me dy raunde 37-vjeçarja...
image
Në Belgjikë akuzohen tre burra për "tentim për vrasje terroriste"
Autoritetet belge kanë ngritur akuza kundër tre burrave për shkak të "tentimit për vrasje terroriste" pas aksionit policor dyditor në 40 shtëpi në shtet. Tre janë...
image
Shqiptari vret gruan në kampin e refugjatëve në Gjermani
Një ngjarje e rëndë ka ndodhur në një kamp refugjatësh në Gjermani. Një 40­vjeçar shqiptar ka qëlluar për vdekje gruan e tij, nënë e dy...
image
Kuvendi miraton me 84 vota vazhdimin e misionit të EULEX-it
Pas një debati me tone kritike, të deputetëve të Kuvendit të Kosovës, për vazhdimin e mandatit të EULEX-it në vendin tonë, me 84 vota në...
Next
Arkivi
first first Qershor, 2016 first first
Di Ma Enj Pr Sht
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Arkivi sipas gazetareve
Tag
Ska asnjë tag