Burg për 60 biznesmenë turq, akuzohen për lidhje me Gylenin

Ankara, 11 janar – Gjykata turke sot u caktoi masë paraburgimi 60 biznesmenëve të dyshuar për lidhshmëri me lëvizjen e predikuesit islamik Fetullah Gylen, të cilin autoritetet në Ankara...

Ankara, 11 janar – Gjykata turke sot u caktoi masë paraburgimi 60 biznesmenëve të dyshuar për lidhshmëri me lëvizjen e predikuesit islamik Fetullah Gylen, të cilin autoritetet në Ankara e akuzojnë se qëndron pas përpjekjes së pasuksesshme për grusht shtet nga korriku i vitit të kaluar. Siç lajmëroi agjencia Anadolia, këto 60  biznesmenë janë pjesë e grupit të 110 njerëzve afarist, të cilët sot ishin nxjerrë para Gjykatës në Stamboll nën akuzën për “anëtarësim në organizatën terroriste”. Pesëdhjetë biznesmenëve tjerë të dyshuar, Gjykata u caktoi dënime të kushtëzuara. Prokuroria e pakënaqur nga vendimi i tillë paralajmëroi ankesë ndaj aktgjykimeve për dënimet e kushtëzuara. Këta 110 biznesmenë janë në listën e 380 njerëzve afarist nga Turqia pas të cilëve javën e kaluar ishte shpallur urdhër arrest nën akuzën se e kanë financuar lëvizjen e Gylenit. Nën akuzë për lidhshmëri me lëvizjen e Gylenit autoritetet turke pas përpjekjes së pasuksesshme për grusht shtet arrestuan ose pushuan nga puna disa dhjetëra mijë persona, që shumë organizata për të drejta të njeriut e vlerësuan si “pastrim” të kundërshtarëve.

Kategoritë
Globi
Ska komente

Publiko komentin

*

*

Të ngjashme