Fillimi | Aktuale | Një mësim nga Shqipëria

Një mësim nga Shqipëria

Madhësia: Decrease font Enlarge font
image

Vendimi, i cili nuk irritoi shumicën absolute të popullsisë shqiptare në Shqipëri dhe nuk shkaktoi tensione ndëretnike, vjen në një kohë kur në Maqedoni mbizotërojnë edhe më tej paragjykimet dhe rezistencë ndaj realizimit të të drejtave të shqiptarëve, të cilët janë shumëfish në numër më të madh se sa maqedonasit në Shqipëri

Arben ZEQIRI/KOHA
Vendimi i Komisionit parlamentar të ligjeve në Shqipëri për emërtimin zyrtarë të komunës me shumicë maqedonase nga Liqenas në Pustec, ashtu siç kanë kërkuar banorët e kësaj komune, ka befasuar vendet fqinjë, ndër ta edhe opinionin në Maqedoni. Fakti që shumica e deputetëve nga radhët e Partisë Demokratike të kryeministrit Sali Berisha e propozoi dhe miratoi vendimin, ndërsa opozita socialiste e Edi Ramës nuk kontestoi përmbajtjen por vetëm periudhën, ka dëshmuar një pjekuri politike të shoqërisë dhe vetë shtetit shqiptarë, thonë analistët politik në Maqedoni. Vendimi i cili nuk irritoi shumicën absolute të popullsisë shqiptare në Shqipëri dhe nuk shkaktoi tensione ndëretnike, vjen në një kohë kur në Maqedoni mbizotërojnë edhe më tej paragjykimet dhe rezistenca ndaj realizimit të të drejtave të shqiptarëve, të cilët janë shumëfish në numër më të madh se sa maqedonasit në Shqipëri. Ndërkohë, edhe 12 vite pas nënshkrimit të Marrëveshjes së Ohrit, në Maqedoni mbeten edhe shumë vendbanime me emra sllavë të trashëguara nga ish-federata jugosllave, ndërsa edhe një vendim më i vogël për ndryshimin e emrave të rrugëve dhe shkollave ngjallë reagime dhe tensione te popullata maqedonase, ndërsa atyre ju paraprijnë reagime të vrullshme nga partitë maqedonase si ato në pushtet, ashtu edhe në opozitë. Një hap i tillë i shtetit dhe shoqërisë shqiptare, e cila nuk reagoi negativisht ndaj vendimit, është një shembull që duhet t’ju shërbejë të gjithë vendeve të rajonit se si duhet të sillen ndaj komuniteteve të tjera joshumicë në vendet e tyre , thonë analistët politik në Maqedoni. “Është për t’u përshëndetur një vendim i tillë, pasi vetë gjesti në vete është pozitiv dhe në drejtim të respektimit të pakicave që jetojnë në Shqipëri. Ky është një hap shumë i mirë dhe kuptohet se një hap i tillë i Republikës së Shqipërisë dhe kryeministri Berisha duhet t’ju shërbejë edhe vendeve të rajonit. Ky hap është një shtytje për thellimin e raporteve të mira mes vendeve dhe komuniteteve në rajon dhe shpresojmë që do ta ndjekin edhe shtetet e tjera”, thotë profesori Vllado Popovski, njëri nga përpiluesit e Marrëveshjes së Ohrit. Megjithatë, ai shprehet skeptik se guximi i shtetit dhe politikës shqiptare do të arrijë të efektuojë te shtetet fqinje të cilat duhet të ndjekin një hap të tillë. “Këtë qasje dhe këtë politikë duhet ta ndjekin edhe shtetet e tjera, por nuk besoj që do të ketë menjëherë efekt duke i ditur qëndrimet politike. Kemi një Greqi e cila nuk pranon asnjë etnitet pakicë, ndërsa njeh vetëm një pakicë religjioze, atë të myslimanëve, ndërsa dihet se në Greqi jetojnë edhe shqiptarë, maqedonas dhe etnitete të tjera. Kemi edhe një Bullgari e cila të paktën ndaj çështjes maqedonase ka qëndrim të ngurtë, por ne përsëri shpresojmë se shembulli i Shqipërisë do të ketë ndikim edhe atje, ashtu si edhe në Serbi, Rumani dhe vendet e tjera të Ballkanit që ende kanë paragjykime dhe janë të ngurta sa u përket komuniteteve joshumicë”, thotë Popovski. Analistët shqiptarë në Maqedoni thonë se një hap i këtillë i elitës politike në Shqipëri ka kaluar të gjitha kufijtë e tolerancës dhe është një shembull që nuk presin ta ndjek asnjë shtet tjetër në rajon, madje as Maqedonia. Edhe pse ata vlerësojnë se  në fjalorin e gjuhës zyrtare shqipe nuk duhet lejuar të hyjë një term maqedonas dhe se do të mjaftonte që kjo t’u jepej si e drejtë vetëm minoritetit maqedonas, megjithatë ky vendim thonë ata, flet se shqiptarët nuk kanë fobi, paragjykime dhe stereotipe ndaj minoriteteve dhe janë të gatshëm të tolerojnë edhe përtej kufijve të tolerancës së parë ndonjëherë. “Kjo mënyrë e zgjidhjes së kësaj çështje mendoj që nuk do të pranohet, jo në Maqedoni por në asnjë vend tjetër. Shqipëria si duket do të jetë një shembull ‘sui generis’ në këtë drejtim. Kjo në fakt flet edhe për një çështje tjetër, se sa shqiptarët nuk kanë fobi ndaj të tjerëve, do të thotë nuk kanë paragjykime, nuk kanë urrejtje, dhe siç duket në një situatë të këtillë shkohet edhe aq larg në skajshmëri, që mund të jetë në dëm të gjuhës shqipe. Toponimia shqipe nuk e njeh akronimin Pustec, përkundrazi ka akronim tjetër. Unë jam dakord që banorëve të atij vendbanimi që mos t’ju imponohet, siç ka qenë këtu praktika, që në gjuhën e tyre të përdorin akronomin e toponimit shqip, por të futet në fjalorin shqiptarë mendoj që nuk është në rregull. Tek ne në Maqedoni kemi problem krejt tjetër, nuk bëhet fjalë që ne t’ua imponojmë të tjerëve toponimin shqip, përkundrazi maqedonasit na imponojnë neve”, deklaroi analisti Naser Ziberi. Një vendim i tillë, shton më tej ai, vjen në një situatë kur nuk ekziston asnjë dokument ndërkombëtarë që e imponon këtë çështje. Vendimi për emërtimin zyrtarë të Komunës së Liqenasit në Pustec, duhet të miratohet edhe në seancë plenare në Parlamentin e Shqipërisë. 

Votoni këtë tekst
5.00

Subscribe to comments feed Komente (0 dërguar):

gjithsej: | shfaqen:

Dërgoni komentin comment

Shkruani kodin e fotos:

  • email Email mikut
  • print Verzioni print
  • Plain text Tekst i thjeshtë
Tjera ngaAktuale
Previous
image
Dispora shqiptare e ka shansin për deputetë
Shanset janë reale që shqiptarët të nxjerrin të paktën një depuetet në diasporë. Mbetet të shihet nëse partitë politike shqiptare do të lejojnë të përsëritet e kaluara, apo do të organizohen qoftë edhe me koalicione parazgjedhore në këtë njësi...
image
Me një sy kah zgjedhjet, tjetrin kah anulimi
Balancimi i votuesve, vendimi për kushtetutshmërinë e Prokurorisë speciale, ndryshmet në Ligjin për mbrojtjen dëshmitarëve, janë tre problematikat e pazgjidhura, të cilat nga partitë politike mund të shfrytëzohen si alibi për anulimin e zgjedhjeve ...
image
Programuesit, paga dyfish më të larta
Sipas të dhënave statistikore, neto paga në muajin korrik në veprimtarinë e programimit ishte 48.264 denarë, që është për 70 për qind më shumë se në të njëjtën periudhë vitit 2011. Me fjalë të tjera, paga në këtë veprimtari është rritur 20 mijë denarë, apo nga 28.392 në 48.264 denarë...
image
Zhbogar nuk paralajmëroi suspendim
SÇE i ka quajtur të pabaza raportimet në media se Komisioni Evropian i ka suspenduar institucionet vendore për implementimin e IPA fondeve...
image
Nxitoni, zilja e fundit për konkursin e kulturës
Me përjashtime të numrave më të lartë në sfera të tilla si Botime, Folklor, Muzikë e Dramë, në një pjesë të konsiderueshme të sektorëve të tjerë kanë mbërritur pak ose aspak projekte konkurruese. Interesimi mungon në Trashëgimi, Bashkëpunimin Ndërkombëtar, Industritë kreative... e ngjashëm, ndërsa pritjet janë zhgënjyese pas apeleve për të konkurruar në këto sektorë deficitarë ...
image
Janeva lëshon mbledhjen Komisionit
Pas përplasjeve rreth figurës së Albin Kurtit, në Komisionin për sistem politik ka vazhduar debati për raportin e prokurores speciale, Katica Janeva, i cili shqyrtohet...
image
Me ligj do të ndalohet hedhja e ushqimit të tepërt
Rreth 26.000 tonelata ushqim në vit përfundojnë në deponinë e Shkupit Drislla, megjithatë pjesë e madhe e këtij ushqimi është i sigurt për t’u ngrënë. Prandaj, është ngritur iniciativë për sjellje të Ligjit për dhurim të ushqimit me të cilin, mes tjerash, do të kufizohet hedhje të ushqimit të sigurt...
image
Transporti falas nuk vlen për medresantët
Nga Muftinia e Tetovës thonë se bëhet fjalë për diskriminim klasik. Sipas tyre, nxënësit e medresesë janë të privuar nga shumë të drejta që gëzojnë moshatarët e tyre në shkollat tjera të vendit. Në këtë drejtim janë edhe ankesat e prindërve që dërgojnë fëmijët e tyre në Medresë, ku kryesisht nxënësit edhe pse udhëtojnë dhjetëra e qindra kilometra larg, ata vetë e paguajnë transportin...
image
Shqiptari ortodoks bashkoi Strugën politike
Në Strugë, në Teatrin Poshka, në prezencën e dhjetëra dashamirëve të librit dhe veprës së Brako Manajloskit, u bë provimi i librit “Reka e Epërme...
image
Dy dekada humanizëm dhe mirësi
Elez Duka, i cili është një ndër themeluesit e shoqatës, thekson se plot dy dekada shoqata në fjalë ka realizuar shumë aktivitete humane...
image
Valë e lypsarëve në Kërçovë
Këta fëmijë, përpos që rrugën e kanë si “vendin e tyre të punës”, se nga aty edhe mund të nxjerrin koren e vështirë të mbijetesës së përditshme, janë shpeshherë edhe pre e shumë keqpërdorime nga ana e të rriturve, të cilët në shumë raste po shfaqen edhe si “punëdhënësit e tyre”...
image
S’harrohet lehtë toka ku të ka rënë koka
Haxhi (Huseini) Shensoj në moshën dhjetëvjeçare braktisi vendlindjen, Desovën dhe së bashku me vëllain më të madh, Samiun dhe motrën, Medetin u vendosën në qytetit Inegjol, afër Bursës, ku jetojnë edhe sot e kësaj dite...
image
Kriza politike të përfundojë me zgjedhjet
Kryeministri Emil Dimitriev në margjinat e Samitit “Migrimi në rutën ballkanike”, që u mbajt në Vjenë, pati edhe shumë takime bilaterale me një pjesë të...
image
BESA: Zonat e lira ekonomike, një mister i vërtetë
Lëvizja BESA ka reaguar në lidhje me zonat e lira ekonomike. Nga kjo Lëvizje thonë se është mister numri i të punësuarve, si edhe subvencionet...
image
Koxias: Kumbari ka bërë gabim me emrin e shtetit
Për çështjen e emrit do të bisedohet pas zgjedhjeve në Maqedoni, deklaroi ministri grek i Punëve të Jashtme Nikos Koxias në intervistë për "Katimerini". "Supozimi...
Next
Arkivi
first first Shtator, 2016 first first
Di Ma Enj Pr Sht
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30
Arkivi sipas gazetareve
Tag
Ska asnjë tag