Fillimi | Aktuale | Mësimi i matematikës, si në monizëm

Mësimi i matematikës, si në monizëm

Madhësia: Decrease font Enlarge font
image

Metodat e vjetra didaktike, ngarkesa e lëndës së matematikës teori, apo edhe mungesa e kuadrit të profesorëve matematicientë, si dhe paralelet e ngarkuara me nga 30 e më shumë nxënës në klasë, janë disa prej shkaqeve në të cilat profesionistët e fushës shohin arsyet për suksesin e dobët të nxënësve në matematikë. BZHA, sipas zëvendësdrejtoreshës Selmani, punon në identifikimin e shkaqeve, mirëpo nuk dihet se kur do të jenë gati rezultat e atij hulumtimi

Laura PAPRANIKU/KOHA

Shkup, 15 maj
- Tani e disa dekada, Matematika vazhdon të mbetet njëra prej sfidave më të rënda të sistemit arsimor në Maqedoni. Të gjitha analizat e nxjerrin atë si lëndën më të padëshirueshme nga ana e nxënësve edhe atë në të gjitha nivelet e shkollimit. Në përfundim të arsimit të mesëm, rrallë kush e zgjedhë matematikën si lëndë të maturës shtetërore, ose vetëm 15 për qind e tyre (sipas të dhënave për maturën e vitit të kaluar), ndërsa matematika është gjithashtu lënda ku nxënësit tregojnë nivelin më ulët të dijeve në bazë të suksesit të notave. Profesionistët e fushës, thonë se kjo nuk ka të bëjë aspak me inteligjencën e nxënësve, por me një sërë faktorësh të tjerë objektiv, e që kryesisht kanë të bëjnë me metodat e vjetruara didaktike si dhe programet e stërngarkuara të lëndës së matematikës. Janë edhe faktor tjerë të jashtëm, si mbingarkesa e paraleleve me numër të madh nxënësish në klasë apo edhe mungesa perspektive, e cila reflekton në mungesën e kuadrit adekuat, por që gjithsesi sipas matematicientëve, ndikojnë për të krijuar stereotipe negative dhe perceptime të gabueshme se “matematika është lëndë e vështirë për tu mësuar”. “Matematika duhet të pësojë një ndryshim rrënjësor. Ne ende vazhdojmë me tematika të sistemeve të vjetra shkollore, të ish-sistemit socialist i përqendruar në aspektin teorik”, pohon matematicienti Halil Snopçe. Lënda e matematikës, shpjegon më tej ai, meqë është e stërngarkuar në aspektin teorik nuk mundet të përvetësohet nga nxënësit - në masë të gjerë. Për këtë shkak, që në moshë të hershme krijohen boshllëqe të ndryshme, të cilat është vështirë të kompensohen sepse vijnë e thellohen çdo herë e më shumë me kalimin e kohës, tregon ai.

Inxhinierët dhe ekonomistët japin matematikë
Snopçe, profesor në Universitetin e Evropës Juglindore në Tetovë (UEJL) konsideron se shkollat publike kanë nevojë të reformojnë qasjen didaktike, në shembullin e shkollave private. “Duhet të ecet hapave të disa shkollave private, të cilat tentojnë ti japin me tepër karakterin pragmatik. Pra, duke shtuar peshën e aspektin praktik, matematika shumë lehtë mund t’ju shpjegohet nxënësve si lëndë aplikative, me shembuj të thjeshtë dhe konkret. Në këtë mënyrë do të arrijmë ta bëjmë matematikën një lëndë të perceptueshme nga të gjithë”, pohon Snopçe. Këtë mendim e ndan edhe Musa Zuka, këshilltar i lëndës së matematikës në Byrosë për Zhvillimin e Arsimit (BZHA). Problemi, thotë ai, qëndron tek interpretimi i lëndës, sipas praktikave dhe modeleve të vjetra që ofrojnë tekstet shkollore. “BZHA bën vazhdimisht plotësimin dhe ndryshimin e programeve të matematikës sipas metodave të reja, mirëpo kur vjen puna të hartohen libra në bazë të atyre programeve, kjo lihet në duart e njerëzve jo profesionit”, pohon ai. Përveç kësaj, Zuka vëren edhe mungesën e madhe të profesorëve me kualifikim adekuat. Në shkollën e mesme të ekonomisë në Shkup, për shembull, plotëson ai, nuk kemi profesor që ka kryer fakultetin e matematikës.
“Matematikë jep një profesor që ka diplomuar për ekonomi. Kemi edhe shumë shkolla të tjera, ku lëndën e matematikës e japin ose profesor me që ka kryer Fakultetin Pedagogjik ose të cilët janë diplomuar për inxhinieri, informatikë apo diçka tjetër”. Mirëpo, edhe në shkollat ku nuk mungojë profesorët me fakultet matematike, rezultatet janë të dobëta thuajse njësoj si të shkollave, për të cilat flet Zuka. Snopçe, i diplomuan për matematikë në FSHMN të Shkupit, në CV-në e tij numëron disa vite punë edhe në gjimnazin e Gostivarit. Sipas tij, është shumë rëndësishme që të mos harrojmë se në shkollat tona punohet me nga 30 e më tepër nxënës në një klasë. “Matematika është lëndë që kërkon punë interaktive dhe individuale. Në një klasë me 30 nxënës, arsimtari e ka të pamundur ti kontrollojë të gjithë nxënësit dhe të ushtrojë me ta metoda të mësimit interaktiv dhe të punojnë në mënyrë individuale me çdo nxënës. Për këtë arsye, është e pamundur që të priten edhe rezultate të lakmueshme në përvetësimin e njohurive nga lëndë e matematikës, nga një numri i madh i nxënësve në klasë”, sqaron ai.

Në kërkim të shkaqeve

Zëvendësdrejtoresha e BZHA-së, Ajshe Selmani, thotë se punohet në drejtim të identifikimit të arsyeve përse matematika është lënda më e padëshirueshme në Maqedoni.
“Është fakt se nxënësit tregojnë rezultate më të dobëta në lëndën e matematikës dhe se shumica e tyre nuk e zgjedhin këtë lëndë për provimin e maturës shtetërore, prandaj edhe po punojmë për të ndryshuar këtë gjendje”, thotë Selmani. Sipas saj, BZHA është duke bëtë një hulumtim për identifikimin e shkaqeve dhe paralelisht me këtë, për reformimin e lëndës së matematikës. “Në bashkëpunim me USAID-in realizojmë projektin ‘Matematika logjike’ në të gjitha shkollat, e që sipas informatave tona, është pritur mjaft mirë si nga mësimdhënësit ashtu edhe nga nxënësit”, thotë Selmani. Mirëpo, zëvendësdrejtoresha e BZHA-së nuk mund të thotë asgjë konkrete se kur do të jenë gati rezultatet e atij hulumtimi. Për provimin e maturës shtetërore, vitin e kaluar vetëm 2.956 nxënës, ose 16 për qind e numrit të përgjithshëm zgjodhën matematikën si lëndë të dytë të maturës shtetërore. Sivjet ka një tendencë rënie ende më të madhe, pasi rezultatet e viteve të kaluara kanë sugjestionuar nxënësit, që edhe ashtu nuk janë të sigurt në njohuritë nga kjo lëndë. Snopçe, i cila ka qenë personalisht edhe anëtar i Komisionit për përpilimin e testeve të matematikës për maturën shtetërore, për dy vitet e kaluara, është kritik edhe ndaj punës së këtij Komisioni. “Nuk është adekuate mënyra e përpilimit të pyetjeve si dhe e përzgjedhjes së tyre, pasi Komisioni nuk ka arritur të ndërtojë ende një metodologji të përpiktë për këtë punë”, pohon ai. Edhe pse mandati si anëtar i komisioni është katër vjeçar (2010-2014), sivjet Snopçe nuk u thirr të angazhohet në punën e Komisionin që ka përgatitur testet për maturën 2012. “Nuk jam interesuar të marrë vesh përse nuk më thirrën. Për mua nuk është asnjë problem. Dy vitet e kaluara dhashë kontributin tim dhe nuk më vjen aspak keq për punën që kam bërë. Tani, sigurisht nuk kanë më nevojë për nevojitem derisa nuk më thirrën”, shprehet me modesti Snopçe, profesor në UEJL, dikur student absolut i Universitetit të Shkupit.

Votoni këtë tekst
1.25

Subscribe to comments feed Komente (0 dërguar):

gjithsej: | shfaqen:

Dërgoni komentin comment

Shkruani kodin e fotos:

  • email Email mikut
  • print Verzioni print
  • Plain text Tekst i thjeshtë
Tjera ngaAktuale
Previous
image
“Titanik”, Prokuroia Speciale kërkon paraburgim për 8 persona
Prokuroria speciale ka njoftuar aksionin e parë me emrin “Titanik”, për veprat që kanë të bëjnë me zgjedhjet, ku si të dyshuar janë ish ministrat...
image
Ristovska: “Monstrën” s’e kemi kërkuar, hetojmë “Magjar Telekomin”
Lidhur me rastin “Monstra”, prokurorja Lençe Ristevska, tha se Prokuroria Speciale ende nuk ka sjell vendim nëse do ta marr përsipër. “Rasti Monstra edhe pse...
image
Bejli: Maqedonia e bën atë që çdo shtet do ta bënte si reagim i krizës së refugjatëve
Shtetet e rutës së refugjatëve po ballafaqohen me dy probleme të ndryshme, përgjegjësia që t'u ofrohet ndihmë humane refugjatëve dhe nevoja legjitime që të sigurohet...
image
Përkrahje franceze dhe përvoja për gjyqësinë e Maqedonisë
Bashkëpunimi me Akademinë për Gjykatës dhe Prokurorë Publikë gjithmonë është në vendin e parë në të gjitha aktivitetet e Ambasadës franceze dhe për atë përkrahim...
image
Arrestohet kryetari i Pustecit, Edmond Temellko
Prokuroria speciale në konferencën për shtyp njoftoi se prej tetë personave ndaj të cilëve është kërkuar masa e paraburgimit njëri veç më është arrestuar. Megjithëse...
image
Vanhaute: Gjithmonë pres progres
Ndërmjetësi evropian, Piter Vanhaute para fillimit të takimit të sotëm të grupeve punuese të katër partive politike për reforma në media shfaqi optimizëm dhe informoi...
image
Disa lagje të Shkupit të hënën pa rrymë
Të hënën, prej orës 6:30 deri në orën 8:00 pa rrymë do të mbeten shfrytëzuesit nga fshatrat e Shkupit Kondovë, Kuçkovë, Velepole, Çashkë dhe fshjati...
image
Spasov: Janë shtruar padi për punë të paligjshme kundër Remenskit
Zëvendësministri i Punës dhe Politikës Sociale Dime Spasov informon se shtrojnë nëntë padi për punën e paligjshme dhe shkeljen e procedurave administrative dhe propozimeve për...
image
Filloi me punë Posta e Kontraktuar në Saraj
Sot drejtori i përgjithshëm i Postë së Maqedonisë, Faadis Rexhepi, në përcjellje të bashkëpunëtorëve të vet nga drejtoria dhe stafi udhëheqës nga Njësia rajonale Shkupi...
image
Mjete evropiane për parandalimin e parregullsive me fondet e BE-së
Me përkrahje financiare prej 250.000 euro nga BE-ja dhe me përvojën nga Lituania në Maqedoni, do të përmirësohet korniza  strategjike, ligjore dhe institucionale dhe metodologjia...
image
Shtabi Qendror Zgjedhor i BDI-së për vizitë në komunën e Sarajit
Shefi i Shtabit Zgjedhor, Bekim Neziri së bashku me nënkryetaren Teuta Arifi, zëvendëskryeministrin Musa Xhaferri, deputetë dhe funksionarë të tjerë, mbrëmë kanë vizituar Shtabin Komunal...
image
Donim i pajisjes nga Ambasada e SHBA-së për ballafaqimin e krizës emigruese
Ambasada Amerikane në Maqedoni sot në magzinat e Kryqit të Kuq të Qytetit të Shkupit në Momin Potok do të dorëzojë ndihmë humanitare. "Ndihma nga Ambasada...
image
Deri në fund të prillit gjashtë trena të rinj
Me blerjen e gjashtë trenave të rinj, riparimin dhe ndërtimin e binarëve të reja, si dhe rinovimin e stacionit hekurudhor, do të bëjmë riparim të...
image
Ambasada turke dënon ofendimin e Llatasit
Ambasada e Turqisë në Maqedoni "dënon ashpër" sjelljen e pahijshme të kryeredaktorit të televizionit Sitel, Dragan Pavlloviq-Llatas, "ndaj popullit të madh turk". Në intervistën të...
image
Ndihmë për qëndrueshmërinë financiare të OJQ-ve
Shkup, 11 shkurt - Rritja e qëndrueshmërisë së shoqërisë civile përmes ngritjes së pavarësisë financiare është qëllimi i projektit që në 18 muajt e ardhshëm...
Next
Arkivi
first first Shkurt, 2016 first first
Di Ma Enj Pr Sht
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29
Arkivi sipas gazetareve
Tag
Ska asnjë tag