Hyrje | Aktuale | Mediat e humbën toruan pas "terroristëve"

Mediat e humbën toruan pas "terroristëve"

Madhesia e germave: Decrease font Enlarge font
image

Edhe gjatë ngjarjes së radhës të bujshme mediat nuk arritën që t'i përmbahen etikës gazetareske dhe normave të informimit të drejtë dhe të paanshëm. Shumë prej tyre morën të drejtën për të linçuar publikisht dhe në mënyrë kolektive grupin prej 20 personave të arrestuar, shumë prej të cilëve janë lënë të lirë nga policia, pa arritur që forcat e rendit t'i marrin në pyetje, por edhe gjykata të vendosë për fajësinë apo pafajësinë e tyre

Shkup, 4 maj - Përpara se policia të merrte në pyetje të arrestuarit dhe gjyqësori të japë verdiktin, titujt bombastikë dhe etiketimet e shfrenuara për tre ditë me radhë kanë pushtuar faqet e para të mediave të shkruara dhe kanalet televizive në gjuhën maqedonase.

Të tilla si: "Monstra kap monstrat e Smillkovcit", "Interpol në kërkim të vrasësve të arratisur", "Islamistët radikalë, të arrestuar për Smillkovcin", "20 të arrestuar për terrorizëm", "Islamistët radikalë kryen ekzekutimin", "Xhirimet nga arrestimi i islamistëve radikalë", "Arrestohen vrasësit", "Islamistët radikalë hapën zjarr në Maqedoni", "Vrasës vendas me motive talibane", e të tjera, janë sa humane, po aq edhe joprofesioniste, vërejnë ekspertë të komunikimit dhe ligjorë. Edhe gjatë ngjarjes së radhës të bujshme mediat nuk arritën që t'i përmbahen etikës gazetareske dhe normave të informimit të drejtë dhe të paanshëm. Shumë prej tyre morën të drejtën për të linçuar publikisht dhe në mënyrë kolektive grupin prej 20 personave të arrestuar, pa arritur që policia t'i marrë në pyetje, por edhe gjykata të vendosë për fajësinë apo pafajësinë e tyre.

Sipas "gjyqit" mediatik, grupi i 20 të arrestuarve ishin terroristë, autorë krimi, mostra, islamistë radikalë e të tjera. Sipas Shoqatës së Gazetarëve, kjo nuk është hera e parë që mediat të raportojnë me një mungesë të theksuar profesionalizmi, duke mos i shërbyer jo vetëm konsumatorit, por edhe duke ngritur edhe tensionet ndëretnike. Naser Selmani, kreu i SHGM, pohon se që pas ndodhisë së Liqenit të Smillkovcit mediat në Maqedoni treguan një lloj profesionalizmi dhe vetëpërmbajtje, por kjo nuk do thotë se nuk kishte përpjekje nga disa media që të spekulojnë me motivet, autorët e vrasjes, duke dashur ose duke insistuar që të prodhojnë incidente ndëretnike. Por, pasi MPB doli me informacione se ka zbuluar ato që dyshohen se janë autorët e vrasjes, shton Selmani, pjesa më e madhe e mediave, në vend që të mbanin një distancë mes asaj që deklaroi MPB dhe asaj që ende nuk është vërtetuar nga Gjykata, gjatë këtyre tre ditëve ka raportuar sikur ata persona nuk janë të dyshuar për momentin, por si autorë të veprës penale, duke mos respektuar parimin se çdo qytetar është i pafajshëm deri në momentin kur të konfirmohet fajësia e tij.

"Ne jemi ende shumë larg kur gjykata do të marrë vendim të caktuar dhe për këtë arsye jam i mendimit se mediat nuk duhet që të shndërrohen në instrumente propagande, në rastin konkret të MPB-së, për të bindur opinionin se personat e arrestuar janë autorë të krimit. Për çdo shoqëri demokratike, ata persona deri tani janë vetëm të dyshuar dhe media duhet të orientohen nga fakti sesa janë kredibile dëshmitë materiale që disponon MPB-ja për padinë që ka ngritur kundër tyre dhe jo ta marrin si të mirëqenë faktin se ato janë fajtorë dhe media të marrë të drejtën t'i shpallë fajtorë. Mendoj se kemi të bëjmë me një sjellje krejtësisht joprofesionale dhe kjo nuk është hera e parë", thotë Selmani. Përqasje mediatike johumane, që shkel në formën më flagrante të drejtat e njeriut, vëren eksperti ligjor, Naser Zyberi. Por, ai vëren se mediat dhe raportimi është produkt i situatës së përgjithshme, shoqërisë së polarizuar në dy blloqe dhe çdo gjë që ndodh shikohet nga prizmi i vetëm njërës.

"Mediat maqedonase i servuan opinionit vetëm njërën të vërtetë, siç ishte edhe rasti i liqenit të Smillkovcit dhe u vunë në shërbim të drejtpërdrejtë të një kauze dhe të dëmtimit të prezumimit të pafajësisë, duke i shpallur apriori fajtorë persona të caktuar dhe në kolektivitet, gjë që është tërësisht e gabuar, johumane dhe joprofesionale", thotë Zyberi. Deri tani nuk ka pasur asnjë lloj reagimi, as nga Avokati i Popullit, lidhur me mënyrën abuzive të raportimit dhe propagandës mediatike, ndërsa nga SHGM, Naser Selmani, thotë se nëse ky trend i raportimit joprofesional do të vazhdojë, do të mundohen që të gjejnë mënyra që të reagojnë, pasi kemi të bëjmë me një sjellje që nuk i shërben as opinionit dhe që në një mënyrë mund të nxisë edhe tensione të brendshme ndëretnike. (E.H./KOHA)

Vlerëso tekstin
5.00

Subscribe to comments feed Komente (0 publikuar):

gjthsej: | Tregohen:

Publikoni komentin tuaj comment

Ju lutem shënoni kodin që shikoni në imazh:

  • email Email shokëve
  • print Printo
  • Plain text Vetem tekst
Tjera ngaAktuale
Previous
image
Pllakë përkujtimore në Vratnicë për bombarduesin amerikan
Në varrezat e fshatit Vratnicë ambasadori amerikan Poll Uollers dhe ministri i Mbrojtjes Zoran Jolevski të mërkurën do të marrin pjesë në vendosjen e pllakës ...
image
A do të ndërtohen banesat sociale në Gostivar!
Edhe pse ishin paraparë të ndërtohen në vitin 2014, banesat sociale në qytetin e Gostivarit nuk u ndërtuan. Për këtë shkak, të njëjtat janë planifikuar në plan programin zhvillimor të Komunës së Gostivarit për vitin 2015 ...
image
Përmendore kushtuar Luftës të Torviolit
Përfaqësues të dy Dibrave në vendin e quajtur Kodër Loges në Fush Alie të Peshkopisë morën pjesë në përurimin e përmendores, kushtuar Luftës së famshme ...
image
Parapërgatitje për gurthemelin
Sipas informatave zyrtare kontrata është nënshkruar më 19 nëntor, kurse tash është në fazë përzgjedhja e mbikëqyrësit të punëve, ndërsa së shpejti pritet që të vendoset gurthemeli. Sipas drejtuesve të këtij projekti, synimi ka qenë që gjithçka të bëhet ashtu si duhet dhe kjo ka qenë arsyeja e mos fillimit të punëve...
image
Keqpërdorim te mollët dhe patatet
Burime qeveritare jozyrtarisht kanë konfirmuar se tani më deri te autoritete ruse është dërguar dokumentacionin nga analizat e bëra në teren nga ana e Ministrisë së Bujqësisë dhe ku vërtetohen se ka keqpërdorim te eksporti i mollëve dhe patave, për të cilat nuk tregohet se nga janë, por që në tregun rus janë eksportuar si prodhime të Maqedonisë ...
image
Tre palë dokumente për tre kufij
Edhe pse janë anëtare të marrëveshjes për tregti të lirë, vendet e rajonit mes vete ende kanë barriera në shkëmbimin tregtarë. Odat ekonomike kërkojnë që një dokument për mallin të vlejë nëpër të gjithë kufijtë ...
image
Shkolla numërojnë pikat e fundit të naftës
Temperaturat shkojnë gjithnjë e në rënie, ndërsa shkollat numërojnë pikat e fundit të naftës. Të gjithë tanimë janë drejtuar me sy nga Qeveria dhe presin nëse të martën mbrëma do të diskutohet ose jo problemi i tyre. Javën që shkoi, propozimi i MASH-it për shlyerjen e pjesërishme të borxheve as nuk arriti të prezantohet. Nëse nuk intervenohet së shpejti, tubat e kaloriferëve të shumë shkollave do të jenë akull të ftohta pas pak ditësh...
image
Lufta nis nga shkollat
Shkollat janë stacionet e radhës ku do të nisë lufta kundër dhunës ndaj grave. Kjo formë ndërgjegjësimi do të shërbejë si një mënyrë për të luftuar paragjykimet ndaj gjinisë femërore dhe për të edukuar brezin më të ri sipas modelit të respektimit të figurës femërore dhe jashtë stereotipave gjinorë që nxisin dhe justifikojnë dhunën ndaj femrave ...
image
Tërhiq e mos këput!
Procedura për marrjen e mandateve të 31 deputetëve opozitarë, sipas analistëve, ka filluar vetëm sa për të përmbushur detyrimin kushtetues, ndërsa pushteti aktual nuk dëshiron një vendim të tillë. Procedurat shkojnë në drejtim të zvarritjes së kësaj çështje, ndërsa as njëra e as pala tjetër nuk japin sinjale për zgjidhje të ngërçit politik, i cili siç duket do të përfundojë me zgjedhje të parakohshme. Analistët nuk shohin arsye të logjikshme as tek zgjedhjet...
image
“BESA” lindi si rezultat i letargjisë politike
Lëvizja politike BESA pretendon të sjellë moral dhe dinjitet në skenën politike shqiptare, thonë drejtuesit e saj, ndërsa theksojnë se ajo u krijuar si rezultat i letargjisë, anemisë dhe pafuqisë së subjekteve politike shqiptare për të ndërtuar dhe zhvilluar një kauzë vizionare dhe të qëndrueshme për shqiptarët në Maqedoni...
image
Jepi 500 euro dhe shko zgjidh nuse!
“Kam shtatë nuse për martesë. Ejani kur të doni, por ta dini se unë kërkoj 500 euro në dorë. E juaja është nëse do të pëlqeni nuse, çka, si do t’ia bëni, por e ardhura kushton aq. Edhe, unë punoj me lek”, shkurt shpjegon kushtet e tij Marku, i cili kërkon nuset nëpër fshatrat e Lezhës, në pjesën Veriperëndimore të Tiranës. AI thotë se paratë i merr si garanci edhe pse nuk garanton nëse beqari mund të gjejë nuse...
image
Ministri Jashari në “Trendet dhe sfidat gjatë implementimit të strategjive antikorruptive”
Ministri i Drejtësisë Adnan Jashari sot mori pjesë në hapjen solemne të Konferencës rajonale në temën “Trendet dhe sfidat gjatë implementimit të strategjive antikorruptive”, të ...
image
Studentët shqyrtojnë mundësinë e protestave më 1 dhjetor
Plenumi Studentor po shqyrton mundësinë e një proteste tjetër. Jo zyrtarisht mësohet se 1 dhjetori do të jetë data e protestës së ardhshme. “Pasi Kryeministri ...
image
Pendarovski: Dokumentet do t’i publikojmë shumë shpejtë
Ish kandidati për kryetar shteti nga radhët e partisë opozitare LSDM-së, Stevo Pendarovski ka deklaruar se “bomba” e paralajmëruar nga Zaevi do të plas shumë ...
image
Gruevski: Gatishmëri nga BERZH për përkrahje të projekteve në Maqedoni
Dinamika e projekteve vijuese nga infrastruktura rrugore dhe hekurudhore, që zbatohet me përkrahje të 305 milionë euro nga BERZH dhe mundësitë për bashkëpunim në projekte ...
Next
Arkivi
first first Nentor, 2014 first first
Di Ma Me En Pr Sh
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Arkivi sipas gazetareve
Tags
Ska tags per kete artikull