Fillimi | Aktuale | Vala në BDI pas 10 ditësh

Vala në BDI pas 10 ditësh

Madhësia: Decrease font Enlarge font
image

Vetëm pas dhjetë ditësh do të mësohen emrat e funksionarëve që do të shkarkohen dhe kuadrove të reja që do të vijnë nga Bashkimi Demokratik për Integrim. Gjatë kësaj periudhe do të vazhdojë shqyrtimi i raporteve të funksionarëve për punën e tyre dhe më pas do të merren vendime

Shkup - Partia shqiptare në pushtet, Bashkimi Demokratik për Integrim i është përgjigjur ftesës së partnerit të koalicionit VMRO-DPMNE, për t'iu bashkangjitur frymës së ndryshimeve kadrovike në ekzekutiv, mirëpo lajmet e para për freskimet në radhët e kësaj partie nuk mund të priten para dhjetë ditëve. Për këtë qëllim, të premten është mbledhur Kryesia qendrore e Bashkimit Demokratik për Integrim ku mes tjerash duhej të caktohet mbledhja e Këshillit të përgjithshëm. Ky organ partiak, siç konfirmoi për gazetën KOHA zëdhënësi i Qeverisë Muhamet Hoxha, do të shqyrtojë raportet e punës së të gjithë funksionarëve të emëruar dhe të zgjedhur nga radhët e kësaj partie. Pas dhjetë ditësh do të mësohen emrat e kuadrove që do të lëshojnë postet e tyre si dhe emrat e kandidatëve potencial për t'i zëvendësuar ata.

“Kryesia Qendrore e Këshillit të Përgjithshëm të Bashkimit Demokratik për Integrim mbajti mbledhje të rregullt mbrëmë në selinë e partisë në Tetovë. Anëtarët e Kryesisë Qendrore diskutuan rreth gjendjes në arsimin shqip në Republikën e Maqedonisë, mbledhjes së Këshillit të Përgjithshëm si dhe për zgjedhjet në të gjitha organet e partisë. Debat konstruktiv dhe përmbajtësor u zhvillua rreth nevojës për të mundësuar dhe afirmuar arsim cilësor duke krijuar të gjitha parakushtet për të zhvilluar një proces të mirëfilltë edukativo-arsimor pasi që e ardhmja e kombit varet nga cilësia e mësimdhënies. Arsimi paraqet përcaktim prioritar programor për Bashkimin Demokratik për Integrim andaj dhe në bashkëpunim me botën akademike do të bëjmë përpjekje maksimale për ngritjen e cilësisë së procesit arsimor në të gjitha nivelet. Pas pranimit të raporteve mbi punën e drejtuesve të institucioneve të emëruar apo të zgjedhur me propozim të Bashkimit Demokratik për Integrim, Kryesia Qendrore ka vendosur gjithashtu që të mbaj mbledhjen e Këshillit të Përgjithshëm të partisë më 12 maj 2012 me fillim në ora 12 në selinë e BDI-së në Tetovë. Në këtë mbledhje, organi më i lartë i partisë midis dy Kongreseve do të shqyrtojë raportet mbi punën e të gjithë funksionarëve të BDI”, thuhet ndërkaq në kumtesën e BDI-së pas mbledhjes së  Kryesisë Qendrore të  mbajtur mbrëmë.


Në mbledhjen e mbrëmshme, Kryesia Qendrore gjithashtu ka sjellur vendim për fillimin e zgjedhjeve në të gjitha degët e Bashkimit Demokratik për Integrim, përfshirë edhe Forumin e Grave si dhe Forumin Rinor të BDI. “Nëpërmjet të ripërtë ritjes së regjistrit të anëtarësisë, ky proces do të mundësojë kyçjen e njerëzve të rinjë në strukturat e partisë të cilët mund të japin kontribut të çmuar në avancimin e proceseve politike”, thuhet në  kumtesën e BDI-së.
Ndërkohë ende mbetet pezull emërimi i deputetit aktual të BDI-së, Hajrulla Misimi në postin e ambasadorit të Maqedonisë në Gjenevë. Informatat e para jozyrtare thonë se për këtë nuk ka përfunduar grumbullimi i dokumentacionit të nevojshëm, mirëpo brenda BDI-së askush nuk dëshiron të komentojë arsyet e vërteta të zhagitjes së emërimit të Misimit.

Ky i fundit duhet t'i lirojë ulësen në Parlament Artan Grubit, shefi i kabinetit të kryetarit të BDI-së, Ali Ahmeti. Deputeti Hajrulla Misimi në Gjenevë do të zëvendësonte ish-ambasadorin Aziz Pollozhani, i cili tanimë është kthyer në Maqedoni, ku përflitet se do të zë vendin e rektorit të USHT-së, Agron Reka. Ndërkohë, përderisa BDI ende shqyrton alternativat kadrovike, partia më e madhe në pushtet, VMRO-DPMNE tanimë ka filluar me shkarkimin e funksionarëve në eshalonin e dytë dhe të tretë në institucionet e larta shtetërore, në strukturat partiake dhe postet e ambasadorëve të Maqedonisë në metropolet botërore. Të enjten Qeveria ka miratuar emërimin e ish drejtorit të kompanisë Energjetike ELEM, Vllatko Çingovski për ambasador në Japoni, ndërsa mediat në gjuhën maqedonase kanë filluar të spekulojnë edhe me emrat e ambasadorëve tjerë, emrat e të cilëve megjithatë ende nuk janë konfirmuar zyrtarisht. Sipas të përditshmes "Vest" ish kryediplomati Sllobodan Çashule përgatitet për ambasador në Spanjë, ndërsa profesori universitar dhe drejtori i Institutit Euroballkan Jovan Donev do të përfaqësojë vendin në Londër. Sipas të njëjtës gazetë e cila thirret në burime brenda-partiake, VMRO-DPMNE ka planifikuar që kryetaren e forumit të gruas Daniella Karagjazoska për ambasadore në Zagreb, ndërsa për në Bukuresht është planifikuar ish-drejtori i Qendrës për menaxhim me kriza Pande Llazarevski. Në vend të ambasadorit i cili u përfshi në skandale, Pero Stojanovski, thuhet se do të emërohet Paskal Stojçevski, ndërsa po sipas të përditshmes "Vest", në zyrën diplomatike në Këshillin e Evropës në Strasburg do të emërohet Nenad Kolev, i cili aktualisht përfaqëson Maqedoninë në Talin të Estonisë. Arben Zeqiri/Koha

Votoni këtë tekst
1.50

Subscribe to comments feed Komente (0 dërguar):

gjithsej: | shfaqen:

Dërgoni komentin comment

Shkruani kodin e fotos:

  • email Email mikut
  • print Verzioni print
  • Plain text Tekst i thjeshtë
Tjera ngaAktuale
Previous
image
Gazetar i “Die Zeit”: Kam audio incizim për pohimet e Zaevit për “Monstrën”
Gazetari i javores gjermane "Di Cajt" i cili është autor i intervistës në të cilën është transmetuar pohimi i liderit të LSDM-së se të dënuarit...
image
Ambasadori Bejli dhe Ministri Çavkov vizituan “Lagjen e trimave” /FOTO/
Ministri i Punëve të Brendshme Mitko Çavkov dhe ambasadori i SHBA-së në Maqedoni Xhes Bejli sot e vizituan "Lagjen e Trimave" në Kumanovë, ku para...
image
Forumi Ekonomik, Gruevski: Liderët e Ballkanit të bëjnë kujdes me deklaratat
Në forumin ekonomik të Vjenës, Kryeministri Nikolla GruevsKi ka fajësuar Greqinë që Maqedonia nuk është në familjen e BE-së dhe të NATO-s, që sipas Gruevskit...
image
Nis punimet Forumi Ekonomik në Tiranë, bashkë 6 kryeministra
Kanë nisur paraditen e së enjtes në Tiranë punimet e Forumit Ekonomik të Vjenës, ku të pranishëm janë krerët e qeverive të vendeve të rajonit.Përveç...
image
“Monstra”, Zaev reteron për pafajësinë e shqiptarëve
Se shqiptarët të cilën akuzohen për rastin “Monstra” janë të pafajshëm është konstatim i gazetarit të gazetës “Di Cajt”, i nxjerrë nga deklarata ime, sepse...
image
EVN ua zbraz xhepat qytetarëve
Vizita në pikat e pagesës të kompanisë elektro-energjetike EVN të ballafaqon me revoltën e qytetarëve të rëndomtë, të cilët ankohen se pranojnë fatura të larta të rrymës, që nuk përputhen me harxhimin real. Por, frika e shkyçjes nga sistemi dhe angazhimi i përmbaruesve i detyron ata sërish t'i paguajnë ...
image
Mësuesit paguhen si administratorë komunal
"Gjatë parashtrimit të kërkesave për financime të reja në shkolla, kemi kërkuar vazhdimisht që ato dy mësimdhënësve të SHF 'Ismail Qemali' të bëhen pjesë e vendet e punës. Problemi ka mbetur i pa zgjidhur", pohon Dardhishta, përgjegjësi për arsim në Komunën e Çairit. Problem të njëjtë, tre-katër vite më parë, thotë se kishin edhe në shkollën "Tefejuz" ...
image
Papunësia, Tetova renditet e para
Krahasuar për nga numri i banorëve, Tetova i bie që ka më shumë të papunë edhe se Shkupi që ka rreth 800 mijë banorë. Njohësit e çështjeve ekonomike vlerësojnë se për zbutjen e papunësisë në rajonin e Tetovës dhe më gjerë, nevojitet hapja e kapaciteteve prodhuese, ngase vetëm ashtu mund të absorbohet fuqi e madhe punëtore ...
image
Ahmeti dhe Thaçi kërkojnë kryeministrin, presidentin ose kryeparlamentarin e Maqedonisë
Rrallë e hiç i kemi parë krerët e partive shqiptare të Maqedonisë të flasin me një gjuhë të përbashkët.Por kjo ka ndodhur në takimin e...
image
Sela prish koalicionin me VMRO-në për Lagjen e Trimave
Mosgatishmëria e grupit të këshilltarëve të VMRO-së për të votuar iniciativën për donimin e 10 mijë eurove kontribut për Lagjen e Trimave  në Kumanovë, ka...
image
Shqiptarë të pafajshëm janë dënuar për rastrin "Monstra"
Në një intervistë për gazetën gjermane Di Cajt, lideri i LSDM-së, Zaev theksoi se e vërteta për Liqenin e Smilkovcës, mund që të nxis përplasje...
image
Prej orës 10 deri në ora 12 në ndërprerje qarkullimi në rrugën Shkup - Veles
Për shkak të minimit sot  prej orës 10:00 deri në ora 12:00 në ndërprerje do të jetë aksi rrugor - Shkup - Veles, në kilometrin...
image
Nebi Hoxha, Kryetari i ri i OEMVP
Oda Ekonomike e Maqedonisë Veri-Perëndimore, sot mbajti Kuvendin e rregullt të gjashtë me rradhë dhe Kuvendin e tretë zgjedhor. Në këtë Kuvend u zgjodh Kryesia...
image
SHBA: Kosova me qasje të pjekur ndaj zhvillimeve në Maqedoni
Përfaqësuesi i Shteteve të Bashkuara të Amerikës në Këshillin e Sigurimit të OKB-së, David Pressman, ka deklaruar se Kosova ka pasur një qasje të pjekur...
image
Goranço Savevski drejtor i ri i BSP-së, Lupço Andonovski i DSK-sëqeveria
Në seancën e sotme, Qeveria e Republikës së Maqedonisë e emëroi drejtorin e Byrosë për siguri publike (BSP) dhe të Drejtorisë për siguri dhe kundërzbulim...
Next
Arkivi
first first Maj, 2015 first first
Di Ma Enj Pr Sht
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
Arkivi sipas gazetareve
Tag
Ska asnjë tag