Fillimi | Aktuale | 43 emra shqip për rrugët e Shkupit

43 emra shqip për rrugët e Shkupit

Madhësia: Decrease font Enlarge font
image

Nga 13 gushti, 28 nëntori, Abdyl Frashëri... e deri tek Hasan Prishtina, Bajram Curri e Ismail Kadare.....Kështu do të quhen 43 rrugë, sheshe e të tjera të Shkupit me të cilat do të ndryshohet profili monoetnik, por edhe do të korrigjohen disa prej emërtesave antishqiptare që mbajnë shumë prej rrugëve të vendbanimeve ku jetojnë shqiptarët

Evis Halili/KOHA

Shkup, 26 shkurt - Janë gjithsej 43 emra që përkojnë me data dhe personalitete sinjifikative të historisë dhe kulturës shqiptare të cilat pritet që t'i mbajnë rrugët, sheshet, urat dhe objektet e tjera infrastrukturore të Shkupit. Propozimet e grupit të këshilltarëve të BDI-së, sipas burimeve të gazetës "KOHA", do të parashtrohen në seancën e radhës të Komisionit për emërimin e rrugëve, shesheve dhe objekteve të tjera infrastrukturore në Qytetin e Shkupit dhe priten që të miratohen pasi për këtë është arritur pajtueshmëri mes partnerëve të koalicionit.

Ende nuk dihet se cilat pjesë të qytetit do të mbajnë këto emërtesa të reja, nëse do të vendosen më së shumti në lagjet e banuara me shqiptarë, apo edhe në njësitë e tjera lokale ku nuk dominohen nga shqiptarët. Pavarësisht vendndodhjes së tyre, emërtesat e reja do të ndryshojnë profilin monoetnik të infrastrukturës, por njëherazi do të korrigjojnë disa prej emërtesave antishqiptare që mbajnë rrugët rëndom relikte të sistemit monist të njëmendësisë, sidomos në vendbanimet shqiptare.

Shkupi konsiderohet si një prej kryeqendrave të ish Jugosllavisë që numëronte jashtëzakonisht pak, për të mos thënë aspak emërtesa multietnike rrugësh e sheshesh. Shkupi madje as që krahasohet as me Beogradin, shumë prej rrugëve të të cilit mbajnë emra sinjifikativë të historisë shqiptare. Në listën me 43 propozimet numërohen 5 data të rëndësishme, mes tyre edhe "13 Gushti", dita e nënshkrimit të Marrëveshjes së Ohrit, "28 Nëntori"- dita e Flamurit, 5 Maji- Dita e dëshmorëve të kombit, por edhe shumë emra dhe figura të rëndësishme të së kaluarës, por edhe të ditëve tona.

Mes tyre renditen emra si ai i heoit tonë kombëtar - Skënderbeu, ai i Abdyl Frashërit, mes të tjerash edhe i njohur për përpilimin e projektit për shpalljen e pavarësisë së Shqipërisë. Gjon Serreqi, prijës i Lëvizjes Nacional Demokratike Shqipatre dhe i persekutuar nga regjimi komunist. Veli Meliqi, i njohur për kontributin e tij për shpëtimin e 20 hebrenjve që i strehoi në shtëpinë e tij. Emra të njohur të lëvizjeve patriotike janë Bajram Curri, Hasan Prishtina, Isa Boletini, Dervish Hima e Dervish Cara, ismail Qemali e Jashar Erebara, Jusuf Gërvalla e Kumbara, por edhe emra që evokojnë një të kaluar më të largët, si Mbreti Gent e Mbretëresha Teuta.

Toponimet si Dardania, Iliria, Arbëria, Shkodra, Prishtina e Tirana janë po ashtu disa prej emërtesave që do t'i mbajnë në të ardhmen rrugët e Shkupit. Në paletën e emërtesave bëjnë pjesë edhe emra të artit dhe kulturës shqiptare, të njohur në botë, si aktori Bekim Femiu e shkrimtari Ismail Kadare, si edhe piktori Adem Kastrati, apo edhe "ambasadorja" e çështjes shqiptare Edit Durham, si dhe nobelisti Ferid Murati. Po ashtu si propozime të tjera janë edhe emrat e eruditëve shqiptarë, si Faik Konica, Fan Noli, por edhe emrat e Ndue Bytyqi, e të tjerë.

Propozimet për vendosjen e emërtesave në shqip për shumë rrugë e sheshe të Shkupit, janë ngritur dhe parashtruar prej vitesh në Qytetin e Shkupit, por deri më tani nuk kanë gjetur mirëkuptimin e këshilltarëve të tjerë për t'i miratuar. Përveç propozimit të grupit të këshilltarëve të BDI-së, për emërtesat e reja që do të mbajnë rrugët pjesët e tjera infrastrukturore të Shkupit janë dërguar po ashtu propozime edhe nga grupi i këshilltarëve të VMRO-DPMNE, nga Këshilli i Qytetit të Shkupit, nga Ministria e punëve të jashtme, nga Këshilli i komunës Qendër, nga Ambasada e Maqedonisë në Ankara, nga Shoqata e Zogariçanit dhe nga një Peticion qytetarësh. 

Propozohet dekorimi e Ismet Jasharit

Propozohet dekorimi e Ismet Jasharit Shoqata e Historianëve Shqiptarë (SHHSHM) ka marrë iniciativë për të dekoruar post-mortum dëshmorin e kombit Ismet Jashari - "Komandant Kumanova", për merita të veçanta kombëtare. Propozimi i historianëve, i drejtohet Këshillit Kombëtar për shënimin e 100 vjetorit të Pavarësisë së Shqipërisë dhe në të ndër të tjera thuhet se ai i i dha jehonë të madhe luftës për çlirimin e Kosovës dhe luftës së UÇK-së. Po ashtu SHHSHM ka diskutuar edhe për aktivitetet që do të shënohen në kuadër të 100 vjetorit të shtetit shqiptar, disa prej të cilave realizohen prej tyre.

Aktivitetet do të shënohen përmes akademive, tribunave shkencore e tryezave, 20 vjetori i themelimit të Shoqatës së Historianëve Shqiptarë në Maqedoni, 100 vjetori i formimit të bandës Muzikore "Zani i Maleve", 100 vjetori i emërimit të Mehmet pashë Derallës si ministër i parë i mbrojtjes i qeverisë shqiptare, 100 vjetori i marrëveshjes shqiptaro-osmane të 18 gushtit, 100 vjetori i themelimit të Komitetit "Shpëtimi", 50 vjetori i revistës "Jehona", e të tjera. 

Votoni këtë tekst
5.00

Subscribe to comments feed Komente (0 dërguar):

gjithsej: | shfaqen:

Dërgoni komentin comment

Shkruani kodin e fotos:

  • email Email mikut
  • print Verzioni print
  • Plain text Tekst i thjeshtë
Tjera ngaAktuale
Previous
image
Aksident në rrugën Gostivar-Shkup, humb jetën një grua
Një banore 69 vjeçare nga Gostivari e ka humbur jetën mbrëmë rreth orës 20 e 30 minuat gjatë përplasjes nga një automjet motorik "Lada uaz"...
image
Bejli: Është e domosdoshme puna normale e PSP-së dhe Kuvendit
Ambasadori amerikan në Maqedoni, Xhes Bejli konsideron se është mië që partitë politike dhe të gjitha institucionet të punojnë në mënjanimin e pengesave pë punë...
image
Ministri i Arsimit Pishtar Lutfiu për vizitë zyrtare në Republikën e Shqipërisë
Ministri i Arsimit dhe Shkencës Pishtar Lutfiu sot qëndroi për vizitë zyrtare në Republikën e Shqipërisë ku u takua me ministren e Arsimit dhe Sportit,...
image
Kush ja mundësoi kombëtares autobusin e hapur?
Një nga risitë e paradës së kombëtares shqiptare të futbollit ishte udhëtimi nga aeroporti i Rinasit për në kryeqytet me një autobus të hapur. Gazeta kosovare...
image
LSDM sërish bojkoton Parlamentin
Lidhja Social Demokrate e Maqedonisë(LSDM) të enjten ka njoftuar se sërish do të bojkotojë organin ligjvënës në shenjë pakënaqësie të moszbatimit dhe pengesave në realizimin...
image
Ekstradohet Sulejman Osmani në Maqedoni
Sulejman Osmani ose i quajtur si Komandant Sula është ekstraduar dje rreth mesditës nga Kosova në Shkup. 55 vjeçari ishte arrestuar në Kosovë në korrik 2015,...
image
Jankullovska dhe Grujevski para gjykatës
Dy të dyshuarit kryesorë në rastin “Fortesa”, shefi i drejtorisë së pestë të MPB-së Goran Grujevski dhe ish-ministrja e Punëve të Brendshme Gordana Jankullovska, mëngjesin...
image
Monopoli shtrenjton çmimet
Përveç fillimit me punë të operatorit virtual “Lajka Mobil” në fillim të korrikut, rrjedhin përgatitjet edhe për ardhjen e operatorit të tretë në vitin 2017...
image
Në Pollog jeton 15 për qind e popullsisë
Sipas një pasqyre më të fundit statistikore që i referohet çdo rajoni - karakteristike për Pollogun është se që nga Regjistrimi i vitit 2002 e deri në vitin 2015, numri i popullsisë është rritur me më shumë se 15.700 banorë, që përbëjnë 15 për qind e numrit të përgjithshëm të popullsisë, duke e renditur si rajonin e dytë me numrin më të madh të banorëve. Ndërsa në Pellagoni, rajonin më të madh nga sipërfaqja, gjatë këtyre viteve ka ndodhur e kundërta - popullsia ka rreth 7 mijë banorë më pak dhe përbën vetëm 11 për qind të numrit të përgjithshëm ...
image
Javën tjetër vendosen numrat për “Nënë Terezën”
Për universitetin në formim e sipër “Nënë Tereza” në Shkup, në vitin e parë akademik 2016/2017 pritet të hapet Konkurs për regjistrimin e rreth 1000 studentëve. Agim Rushiti, udhëheqës i Sektorit për Arsim të Lartë, pohon se Propozim-konkursi është firmosur nga ministri Lutfiu ditën e hënë. “Javën tjetër presim që Konkursi të miratohet në Qeveri”, shprehet ai. Ndërkaq, sipas konkurseve tanimë gati të universiteteve tjera, për Universitetin e Tetovës janë lejuar 4600 vende. Mungojnë programet e ndërprera me Ligj ...
image
Qeveri e fortë për dalje nga kriza
Një qeveri e re me mbështetje të gjerë në Parlament dhe një kryeministër që mund t’i prijë procesit parazgjedhor, të bëjë reformat nga raporti Pribes, dhe të zgjidhë problemin me Listën zgjedhore, mbetët opsioni më real që të zgjidhet krisa politike...
image
Rroga mesatare në prill është 22.356 denarë
Rroga mesatare neto mujore e paguar për punëtor në prill 2016 është 22.356 denarë dhe shënon një rritje prej 2,8 për qind në krahasim me...
image
Poposki: Kriza ka çmim të kushtimit, nevojitet sjellje të përgjegjshme
Kriza politika ka çmim të kushtueshëm, por në qoftë se e mbajmë fokusin në zbatimin e prioriteteve reformuese pa marrë parasysh progresin e dialogut politik...
image
Dialog i hapur dhe zbatim i Marrëveshjes së Përzhinos
Ministrat e Punëve të Jashtme të vendeve-anëtare të Bashkimit Evropian të hënën pasdite diskutuan në Këshillin e Punëve të Jashtme të Bashkimit Evropian për gjendjen...
image
Gjykata Kushtetuese nuk do të debatojë për kryqin në Butel
Në propozim të gjykatësit Sali Murati, iniciativa e LR PDSH-se për vlerësimin e kushtetutshmërisë për vendosjen e kryqit në Butel është shtyrë për seancën e...
Next
Arkivi
first first Qershor, 2016 first first
Di Ma Enj Pr Sht
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Arkivi sipas gazetareve
Tag
Ska asnjë tag